QR mádenıet jáne sport vıse-mınıstri qyzmetinen ketti
QR Úkimetiniń qaýlysymen Erlan Qojaǵapanov QR mádenıet jáne sport vıse-mınıstri qyzmetinen bosatyldy, dep habarlaıdy Almaty-akshamy.kz. Primeminister.kz.
Erlan Qojaǵapanov 1968 jyly Almaty oblysynda dúnıege kelgen.
1992 jyly E. Bóketov atyndaǵy Qaraǵandy memlekettik ýnıversıtetin, 1999 jyly Abaı atyndaǵy Almaty memlekettik ýnıversıtetin támamdaǵan.
2006 jyly Reseı Keden akademıasyn bitirgen. Mamandyǵy boıynsha biliktiligi — zańger, ekonomıs, qarjyger, keden isiniń mamany. Eńbek jolyn 1989 jyly bastaǵan.
1990-1994 jyldary kásipkerlik qyzmetpen aınalysqan. 1994-2007 jyldary memlekettik organdar men kásiporyndarda jumys istegen.
2007-2013 jyldary Astana qalasy ákiminiń orynbasary qyzmetin atqarǵan.
2013-2016 jyldary QR Sport jáne dene shynyqtyrý isteri agenttiginiń tóraǵasy, QR Fýtbol federasıasynyń prezıdenti qyzmetterin atqarǵan.
2016 jylǵy jeltoqsannan bastap 2017 jylǵy qarasha aralyǵynda QR Premer-Mınıstri keńesshisiniń m. a., keńesshisi qyzmetin atqarǵan.
2017-2020 jyldary — QR mádenıet jáne sport vıse-mınıstri.
2020-2021 jyldary — Almaty qalasy ákiminiń birinshi orynbasary.
2021 jylǵy sáýirden bastap qazirgi ýaqytqa deıin QR mádenıet jáne sport vıse-mınıstri boldy.