Qazaqstan Respýblıkasy Úkimetiniń qaýlysymen Erlan Ańsaǵanuly Qıasov bergen ótinishine sáıkes QR Densaýlyq saqtaý vıse-mınıstri — QR Bas memlekettik sanıtarlyq dárigeri qyzmetinen bosatyldy, dep habarlaıdy Almaty-akshamy.kz QR Premer-Mınıstriniń baspasóz qyzmetine silteme jasap.
Erlan Qıasov 1973 jyly Almaty oblysynda dúnıege kelgen.
Qazaq memlekettik medısına ýnıversıtetin, Ortalyq Azıa ýnıversıtetin, ál-Farabı atyndaǵy Qazaq ulttyq ýnıversıtetin, Turan-Astana ýnıversıtetin támamdaǵan.
Eńbek jolyn 1990 jyly «Almaty qalasynyń Jedel medısınalyq járdem aýrýhanasy» reanımasıa jáne qarqyndy terapıa bólimshesiniń sanıtary bolyp bastady.
1997-1999 jyldary — Almaty qalasyndaǵy QR áýe kóligindegi ortalyq sanıtarlyq-epıdemıologıalyq stansıasynyń sanıtarlyq dárigeri, dáriger-epıdemıology.
1999 jyldan bastap 2020 jylǵa deıin QR Prezıdenti İs basqarmasynyń Medısınalyq ortalyǵynyń qurylymynda — Sanıtarlyq-epıdemıologıalyq stansıada jalpy gıgıena boıynsha sanıtarlyq dáriger, jedel bólim meńgerýshisi, Sanepıdqadaǵalaý basqarmasynyń epıdemıologıalyq bóliminiń bastyǵy, «Sanıtarlyq-epıdemıologıalyq saraptama ortalyǵy» RMK dırektory, basshynyń orynbasary bolyp jumys istedi.
2020 jylǵy qyrkúıekte QR densaýlyq saqtaý vıse-mınıstri – QR Bas memlekettik sanıtarlyq dárigeri bolyp taǵaıyndaldy.