Mundaı tyń jańalyqty ǵalymdar oılap tapqan. Reseılik ǵalymdar amerıkandyq jáne meksıkandyq áriptesterimen birge qoldanylǵan medısınalyq maskalar jáne dári-dárimek qaptamalarynan tıimdi (únemdi) akýmýlátorlar alýǵa bolatyn tehnologıany jasap shyǵardy.
Bul týraly REN-tv saıtynda jarıalandy, dep habarlaıdy Almaty-akshamy.kz tilshisi.
Zertteý avtorlarynyń pikirinshe, olar jasap shyǵarǵan tehnologıa kádege jaratýǵa qıyn qaldyqtardy shıkizatqa aınaldyrýǵa múmkindik beredi. «MISıS» Ulttyq tehnologıalyq zertteý ýnıversıteti mamandarynyń paıymdaýynsha, pandemıa bastalǵaly beri búkil álemde aı saıyn 130 mıllıard betperde qoldanylady eken. Olardyń bári júzdegen tonna polımerli qaldyqtarǵa aınalady jáne olardy jaǵý kezinde zıandy zattar bólinedi. Osynyń saldarynan maskalardy durys óńdeý máselesi týyndaǵan.
Ǵalymdardyń boljamy boıynsha, olar jasap shyǵaratyn akýmýlátorlardy óndirý úshin tek grafen ǵana satyp alý qajet. Tehnologıa jińishke, ıilgish, arzan batareıalar jasaýǵa múmkindik beredi. Ózindik qunynyń tómen bolýyna baılanysty, akýmýlátorlar bir ret qoldanýǵa jaramdy bolýy múmkin. Soǵan qaramastan, kóptegen parametrleri boıynsha olar ádettegi akýmýlátorlardan kem bolmaıdy, sol sebepti olardy turmystyq qoldanysta túrli jaǵdaıda qoldanýǵa bolady.
Zertteý nátıjeleri Journal of Energy Storage-de jarıalanǵan.