Erlan Qarın Saıası qýǵyn-súrgin qurbandaryn tolyq aqtaý jónindegi memlekettik komısıanyń kezekti otyrysyn ótkizdi, dep habarlaıdy Almaty-akshamy.kz.
Jıynda Memlekettik komısıanyń zertteý, baspa jáne arhıv jumystarynyń júzege asyrylý barysy talqylandy.
İs-sharada 2023 jyly saıası qýǵyn-súrgin tarıhyna arnalǵan kezekti materıaldar men qujattar jınaǵyn jaryqqa shyǵarý josparlanǵany jóninde málimet berildi.
Sondaı-aq ǵalymdar men sarapshylar XX ǵasyrdyń 1920-50 jyldary aralyǵyndaǵy saıası qýǵyn-súrgin taqyrybyna qatysty materıaldardy tereń zertteýge jáne taldaýǵa arnalǵan ǵylymı jobalardyń nátıjelerin tanystyrdy.
Budan bólek, komısıa otyrysynda ǵalymdar men zertteýshilerdiń izdenis jumystaryn qoldaý maqsatynda uıymdastyrylǵan nysanaly qarjylandyrý baǵdarlamasynyń oryndalý barysy qaraldy.
Jıyn qorytyndysy boıynsha Memlekettik komısıanyń baspa qyzmetin damytý, ǵylymı-zertteý jumystaryn, arhıv bazasyn júıeleý jáne qorlarǵa biriktirý isin jalǵastyrý sekildi negizgi baǵyttaryna qatysty tapsyrmalar berildi.