Bul qylmyskerler men quqyq buzýshylardy avtomatty túrde anyqtaýǵa kómektesedi
Qazaqstanda alǵashqy krımınalısıkalyq sıfrlyq zerthana iske qosyldy. Ol İİM ortalyq apparatynyń bazasynda ornalasqan, dep habarlaıdy Almaty-akshamy.kz Polisia.kz saıtyna silteme jasap.
Atalmysh zerthananyń mamandary eki baǵytta jumys isteıdi. Birinshisi – qyzmetkerler baǵdarlamalyq-apparattyq keshenderdi paıdalana otyryp, kompúterlik-tehnıkalyq zertteýler júrgizedi. Ekinshisi – bıometrıalyq belgiler boıynsha jeke basty sáıkestendirýdi (beıneler analıtıkasy) paıdalana otyryp, foto/vıdeo boıynsha portrettik zertteýler júrgizý.
Bul qylmyskerler men quqyq buzýshylardy avtomatty túrde anyqtaýǵa kómektesedi. Sonymen qatar krımınalısıkalyq sıfrlyq zerthana alaıaqtar qurbandarynyń sanyn azaıtýǵa, kinásiz adamdy ustaý qaýpin boldyrmaýǵa, quqyq buzýshylardy anyqtaýǵa jáne tergeý kezinde dáleldemelik bazany bekitýge múmkindik beredi.
– Munda jańa qurylǵylar bar, qysqa merzimde kompúterlik tehnıkalyq zertteýler júrgizýge múmkindik beretin jańa baǵdarlamalyq jasaqtama ornatylǵan. Búgingi tańda bul İİM júıesindegi zertteýdiń jańa túri. Joba Qoǵamdyq qaýipsizdikti qoǵammen seriktestikte qamtamasyz etý tujyrymdamasy aıasynda iske qosyldy. Jeke basty sáıkestendirý júıesi boıynsha jaqsy nátıjeler bar. Qazirdiń ózinde biz barlyq jasyryn urlyqtardy keńsede otyryp-aq ashamyz. Krımınalıs adamdardy qashyqtan anyqtaı alady, – dedi QR İİM jedel-krımınalıstıkalyq departamentiniń basqarma bastyǵynyń orynbasary Muhıt Súleımenov.
Bul shara jasalǵan quqyq buzýshylyq úshin jazanyń bultartpastyǵy qaǵıdatyn qamtamasyz etedi, quqyqqa qaıshy áreketterdiń aldyn alýdyń eń jaqsy tásili bolyp tabylady, eldegi azamattardyń qaýipsizdigin arttyrady. Jalpy krımınalıserdiń jumysy san qyrly. Sondyqtan qyzmetkerler úshin óz qabiletterin damytý jáne materıaldyq-tehnıkalyq jabdyqtardy jaqsartý mańyzdy.
– Búgin biz ishki ister mınıstrine álemdik krımınalısıkanyń jańa ázirlemelerin tanystyrdyq. Búgingi tehnıka qylmystyń kórinbeıtin, jasyryn izderin anyqtaýǵa múmkindik beredi. Qazirgi ýaqytta bizde elimizdiń jedel-krımınalıstıkalyq qyzmetteriniń barlyq basshylary úshin trenıń ótkizilýde. Olardy jańa tehnıkamen jumys isteýge úıretip jatyrmyz, – dep atap ótti QR İİM jedel-krımınalıstıkalyq departament bastyǵynyń orynbasary Sergeı Stıheev.