QR Memlekettik hatshysy Erlan Qarın Ahmet Baıtursynulynyń 150 jyldyǵyna arnalǵan halyqaralyq ǵylymı-praktıkalyq konferensıada Alash dáýiri men búgingi táýelsiz Qazaqstan kezeńine ortaq ulttyq múddeniń ne ekenin aıtty, dep habarlaıdy Almaty-akshamy.kz QazAqparatqa silteme jasap.
«El búginshil, meniki erteń úshin» demeıtin be edi Ahańnyń ózi? Sol Ahań dál jetkizip aıtqan erteńde ómir súrip jatqan jáne ony bolashaqqa jalǵaıtyn urpaqpyz. Halqymyz aldyńǵy býynnyń azattyq jolyndaǵy kúresinen tálim ala bilýge tıis. Ótken ǵasyrdyń basy elimizdiń azattyq jolyndaǵy kúres kezeńi ǵana emes, aýqymdy aǵartýshylyq dáýiri retinde tarıhqa endi. Bastaýynda Shoqan, Ybyraı, Abaı turǵan aǵartýshylyq ıdeıalar Ahańdardyń tusynda jańasha óristedi. Sóıtip, bul kezeń qazaqtyń jańǵyrý kezeńi boldy», - dedi Erlan Qarın.
Onyń aıtýynsha, ulttyq jańǵyrý kezeńi jasampaz tulǵalardy týdyrady.
«Dúnıe júziniń tarıhyna zer salsaq, halyqtar men memleketter reformator tulǵalardyń arqasynda damýdyń jańa belesterine kóterilgen. Ahań - qazaq úshin osyndaı tulǵa. Ahmet Baıtursynuly ómir súrgen dáýir men qazirgi táýelsizdik zamanyn baılanystyratyn ortaq múdde – ulttyq bolmysty saqtaı otyryp, órkenıetti el bolý. Ult ustazy qaı zamanda da halqymyzdyń uly kósemi bolyp qala beredi», - dedi Memlekettik hatshy.