QR Memlekettik hatshysy Erlan Qarın AQSH Memlekettik hatshysynyń azamattyq qaýipsizdik, demokratıa jáne adam quqyqtary máseleleri jónindegi orynbasary Ýzra Zeıamen kezdesti, dep habarlaıdy Almaty-akshamy.kz akorda.kz silteme jasap.
Erlan Qarın elimizdi saıası jáne áleýmettik-ekonomıkalyq turǵyda júıeli jańǵyrtýǵa baǵyttalǵan aýqymdy reformalar týraly aıtyp berdi.
Sonyń ishinde, Memlekettik hatshy Qazaqstan Prezıdenti Qasym-Jomart Toqaevtyń Joldaýy eldi jańartýdy kózdeıtin uzaqmerzimdi baǵdardyń jáne jalpy saıası jańǵyrý úderisiniń ajyramas bóligi ekenin atap ótti. Ol bılik tarmaqtary quzyretteriniń barynsha tıimdi tepe-teńdigin qalyptastyrý, kóp partıaly júıeni, azamattyq qoǵam ınstıtýttaryn jáne adam quqyǵyn qorǵaý salasyn odan ári damytý jónindegi Memleket basshysynyń negizgi bastamalaryna toqtaldy.
Ýzra Zeıa Prezıdent Qasym-Jomart Toqaevtyń saıası jáne ekonomıkalyq bastamalaryna AQSH-tyń qoldaý bildiretinin jetkizdi. AQSH Memlekettik hatshysynyń orynbasary Qazaqstannyń demokratıalyq úderisterdi odan ári ilgeriletý jolyndaǵy is-áreketine aldaǵy ýaqytta da qoldaý kórsetýge daıyn ekenin atap ótti.
Kezdesý sońynda taraptar ekijaqty yntymaqtastyqtyń túrli baǵyty boıynsha syndarly dıalogty jalǵastyrýǵa yqylasty ekenin tanytty.