Aıtýly dodaǵa bir aıdan az ýaqyt qaldy
Erkin kúresten Belgradta ótetin álem chempıonatyna qatysatyn qazaqstandyq sportshylardyń aty-jóni belgili boldy, dep habarlaıdy Almaty-akshamy.kz.
Qazaqstannyń grek-rım, erkin jáne áıelder kúresi federasıasy habarlaǵandaı, chempıonatqa erkin kúresten Qazaqstan quramasy tolyq quramda qatysady.
Sonymen, aldaǵy álem chempıonatyna qatysatyndar:
- 57 kg deıin – Meırambek Qartbaı;
- 61 kg deıin – Ósimjan Dastanbek;
- 65 kg deıin – Ádil Ospanov;
- 70 kg deıin – Sanjar Dosjanov;
- 74 kg deıin – Nurqoja Qaıpanov;
- 79 kg deıin – Bolat Saqaev;
- 86 kg deıin – Azamat Dáýletbekov;
- 92 kg deıin – Rızabek Aıtmuhan;
- 97 kg deıin – Alısher Erǵalı;
- 125 kg deıin – Iýsýp Batyrmýrzaev.
«16-24 qyrkúıek aralyǵynda Serbıa astanasynda jyldyń basty oqıǵasy – Álem chempıonaty ótedi. Bul chempıonat – 2024 jylǵy Olımpıada oıyndary aldyndaǵy alǵashqy lısenzıalyq týrnır», - dep atap ótti federasıa ókilderi.