Qazaqstanda atom elektr stansıasyn salý máselesi búgingi tańda asa mańyzdy jáne ózekti bolyp otyr. Biz, Qazaqstan Respýblıkasy Parlamenti Májilisiniń depýtattary, AES-ti qoldaıtyn Halyqtyq shtab músheleri retinde aımaqtardaǵy halyqpen kezdesip, osy máseleni talqylaýdamyz. Qostanaı oblysyndaǵy kezdesýlerimiz barysynda stýdentterden bastap energetıka salasynyń mamandaryna deıin kóptegen azamattarymyzdyń pikirin tyńdadyq.
AES salý – elimizdiń energetıkalyq qaýipsizdigin qamtamasyz etýdegi mańyzdy qadam. Energıa tapshylyǵynyń jyldan-jylǵa artyp kele jatqanyn eskersek, atom energetıkasy – elimiz úshin balamasyz sheshim. Bul stansıa myńdaǵan jańa jumys oryndaryn ashyp, tehnologıalyq ınovasıalarǵa jol ashady. Sonymen qatar, bul bizdiń ekonomıkamyzdyń ósýine qýatty serpin beredi.
Atom elektr stansıasy – Qazaqstannyń bolashaǵy úshin qajetti joba. Energıa tapshylyǵyn boldyrmaý úshin AES salý óte mańyzdy. Jastarymyz osy salada jańa mamandyqtardy ıgerip, elimizdiń energetıkalyq derbestigin qamtamasyz etetin bolashaqtyń negizgi kúshterine aınalady.
Qazaqstan úshin bul joba – eldiń damýyna úles qosatyn úlken múmkindik. Aldaǵy referendýmda azamattardyń pikiri erekshe ról atqarady. Árqaısymyzdyń daýysymyz – elimizdiń erteńin anyqtaıtyn mańyzdy qadam.