Áıelin urǵan erkekterge psıhologıalyq kómek kórsetiledi.
Zorlyq-zombylyqqa qatysty ákimshilik nemese qylmystyq quqyq buzýshylyq jasaǵandarǵa emhanalarda psıhologıalyq qoldaý kórsetiledi, dep habarlaıdy Almaty-akshamy.kz
Densaýlyq saqtaý mınıstri 2024 jylǵy 29 maýsymdaǵy buıryqpen densaýlyq saqtaý uıymdarynda ákimshilik, qylmystyq quqyq buzýshylyq jasaǵan adamdarǵa psıhologıalyq kómek kórsetý qaǵıdalaryn bekitti.
Bul kómek minez-qulyqty ózgertýge jáne kelesi oqıǵalardyń aldyn alýǵa baǵyttalǵan. Sesıalardy osyndaı klıenttermen jumys isteý úshin arnaıy daıyndalǵan psıhologtar júrgizedi, onyń ishinde senimdi qarym-qatynas ornatý, minez-qulyq aspektilerin túzetý jáne aralasý nátıjelerin baǵalaý kezeńderi qamtylǵan.
Psıhologıalyq kómek emhanalarda kórsetiletin bolady.
Kómek sot aktisi negizinde kórsetiledi. Psıhologıalyq konsýltasıalar psıholog kabınetinde júrgiziledi. Mundaı adamdarǵa psıhologıalyq kómek kórsetýge qarsy kórsetkishter retinde stasıonarlyq emdeýdi qajet etetin aýrýlardyń nemese juqpaly aýrýlardyń bolýy dep tanyldy.
Buıryq 2024 jylǵy 15 shildeden bastap qoldanysqa engiziledi.