Qonaevtyń bir bóligi jańa qalanyń quramyna ótedi.
Almaty oblysy ákimdigi men óńir máslıhatynyń "Alataý qalasynyń shekarasyn (shegin) belgileý týraly" birlesken sheshimi ázir boldy, dep habarlaıdy Almaty-akshamy.kz
"Almaty oblystyq máslıhaty sheshiminiń jáne Almaty oblysynyń ákimdigi qaýlysynyń qosymshasyna sáıkes Alataý qalasynyń shekarasy (shegi), onyń shegine jalpy aýdany 88267,0086 gektar Qonaev qalasynyń, İle jáne Talǵar aýdandarynyń keıbir jerlerin qosa otyryp, belgilensin", delingen qujatta.
Atap aıtqanda, Alataý qalasynyń quramyna Qonaev qalasynan 10937,0052 gektar, İle aýdanynan 65213,0004 gektar jáne Talǵar aýdanynan 12117,003 gektar jer telimi ótedi.
Qujat qoǵamdyq talqy úshin Ashyq NQA saıtyna 23 shildege deıin ornalastyryldy.