Jetimdik jáne qamqorshylyqtyń aldyn alý máseleleri qaraldy
Almaty qalasy ákiminiń orynbasary E. Babaqumarovtyń tóraǵalyǵymen ótken komısıa otyrysynda jetimdik jáne qamqorshylyqtyń aldyn alýdyń ózekti máseleleri qaraldy.
Komısıa jumysyna áleýmettik qyzmetter, densaýlyq saqtaý jáne bilim berý organdarynyń ókilderi, sondaı-aq daǵdarys ortalyqtary odaǵynyń basshysy Z.Baısaqova qatysty. Komısıa jumysy ómirde qıyn jaǵdaıǵa tap bolǵan otbasylarǵa kómek kórsetýge baǵyttalǵan.
Kezdesýde qoldaý sharalaryn kórsetý, sonyń ishinde balalarǵa arnalǵan qujattardy resimdeý, balabaqshalarǵa kezekke qoıý, balalar men ata-analardy medısınalyq tekserýden ótkizý máseleleri talqylandy. Erjan Babaqumarov atap ótkendeı, jetimdiktiń mańyzdy aldyn alý sharasy ata-analardy áleýmettendirý bolyp tabylady.
Osyǵan baılanysty qala ákiminiń orynbasary E. Babaqumarov sońǵy eki jyldaǵy Úmit úıine júginýdiń barlyq jaǵdaılaryna taldaý júrgizýdi tapsyrdy. Sonymen qatar, qıyn jaǵdaıǵa tap bolǵan analar men ákelerdi jumysqa ornalastyrý jáne belsendi qoǵamdyq ómirge tartý boıynsha aldyn alý sharalarynyń paketin ázirleý tapsyryldy.