Almaty qalasy ákiminiń orynbasary Erjan Babaqumarov orta bilim berý mekemeleri men arnaıy mektep-ınternattardyń dırektorlary, sondaı-aq osy salamen aınalysatyn ÚEU ókilderiniń qatysýymen bilim basqarmasy aktıviniń keńeıtilgen keńesin ótkizdi.
Bıylǵy 9 aıdaǵy jumys qorytyndylanyp, Prezıdenttiń «Halyq birligi jáne júıeli reformalar – el órkendeýiniń berik negizi» atty Qazaqstan halqyna Joldaýynda jáne Nur Otan partıasynyń saılaýaldy baǵdarlamasyn iske asyrý jónindegi Jol kartasynda belgilengen mindetterdi iske asyrý barysy pysyqtaldy, dep habarlaıdy Almaty-akshamy.kz.
Búginde Almatyda 289 mektep jumys isteıdi. Sonyń ishinde 207 memlekettik jáne 82 jekemenshik. Bilim alýshylar kontıngenti ótken jylmen salystyrǵanda 12 myńǵa artyp, 303 myńǵa jetti. Sonymen qatar bir jyldyń ishinde jekemenshik mektepter jelisi 11 myńǵa artty. Oryn tapshylyǵyn odan ári tómendetý úshin bilim berý nysandaryn údemeli salý baǵdarlamasy sheńberinde 12 600 oryndy 8 memlekettik mektep jáne jumys istep turǵan mektepterge 8263 oryndy 17 jańa korpýs qurylysy júrgizilýde. Jyl sońyna deıin 16 myń oryndy 31 bilim berý nysany ashylady.
166 mektepte erekshe bilim berilýine qajettiligi bar balalar úshin jaǵdaı jasalǵan (80%), 2020 jyly 157 mektep, 2019 jyly 135 mektep boldy.
Mektepterde pandemıany eskere otyryp, oqý prosesiniń qaýipsizdigin qamtamasyz etý boıynsha sharalar qabyldandy. Mektepterde 21 myńnan astam muǵalim, 18 myńnan astam memlekettik mektep qyzmetkerleri jumys isteıdi. Atalyp ótkendeı, memlekettik bilim berý uıymdarynyń barlyq qyzmetkerleri 100% ekpe aldy.
Sonymen qatar, barlyq mektepter Ashyq jobasynyń qatysýshylary bolyp tabylady (QR-men kirý baqylaý júıesi ornatylǵan), qajetti dezınfeksıalyq jáne antıseptıkalyq quraldarmen qamtamasyz etilgen.
Dene qyzýy, kvarstaý men jeldetý rejımin ólsheý boıynsha sanıtarlyq-epıdemıologıalyq talaptar saqtalady.
Sonymen qatar, barlyq mektepterde juqtyrý qaýpiniń aldyn alý boıynsha aqparattyq jumys júrgiziledi jáne oqýshylarǵa saqtyq sharalaryn túsindirý boıynsha synyp saǵattary ótkiziledi.
Keńeste 8 arnaıy mekeme-túzetý ınternattarynyń jumysy qaraldy. Olardyń negizgi maqsaty – balanyń áleýmettik beıimdelýine kómektesý jáne ony keıinnen qoǵamǵa biriktirý bolyp tabylady. Korreksıalyq qoldaý defektologtarmen, logopedtermen, sýrdopedagogtarmen, tıflopedagogtarmen, psıhologtarmen jáne áleýmettik pedagogtarmen kórsetiledi. Barlyq uıymdar arnaıy oqý baǵdarlamalarymen jáne oqýlyqtarmen tolyq kólemde qamtamasyz etilgen, ınteraktıvti taqtalarmen, sheberhanalarmen, sensorlyq jáne oıyn kabınetterimen jabdyqtalǵan. Internattardyń materıaldyq-tehnıkalyq bazasy nyǵaıtyldy: ákimdik 1129 noýtbýk jáne 331 planshet satyp alyp, ınternattarǵa berdi. Ár bala úshin onyń psıhofızıologıalyq erekshelikterin eskere otyryp, Damý baǵdarlamasy jasaldy.
Otyrysta sondaı-aq qıyn ómirlik jaǵdaıǵa tap bolǵan balalardyń quqyǵyn qorǵaý boıynsha júrgiziletin jumystar qaraldy. Jetim balalar men ata-anasynyń qamqorlyǵynsyz qalǵan balalardy tárbıeleý jáne oqytý úshin «Januıa» mamandandyrylǵan kesheni, «Jastar úıi» áleýmettik mekemeleriniń túlekterin beıimdeý jáne qoldaý ortalyǵy, "Ómirlik qıyn jaǵdaıda júrgen balalardy qoldaý ortalyǵy" MM, sondaı-aq densaýlyq saqtaý uıymdary (balalar úıi) jumys isteıdi.
Almatyda 29 jasqa tolmaǵan, kámeletke tolǵanǵa deıin ata-anasynan aıyrylǵan jetim balalar men ata-anasynyń qamqorlyǵynsyz qalǵan balalarǵa 17 páter berildi. Jetim balalar men ata-anasynyń qamqorlyǵynsyz qalǵan balalarǵa arnalǵan bilim berý uıymdarynyń túlekteri arasynda 2 JOO-ǵa oqýǵa qujat tapsyryp, 32-si kolejge tústi.
Keńes barysynda bilim basqarmasynyń basshysy L. Jylqybaeva kópbalaly analar qozǵalysynyń belsendisi Irına Kım sóz sóılep, birqatar mektepter men ınternattardyń dırektorlardyń baıandamasy tyńdaldy. Sondaı-aq, qalalyq qoǵamdyq densaýlyq basqarmasynyń jáne aýmaqtyq sanıtarlyq-epıdemıologıalyq baqylaý departamentiniń basshylary, megapolıstiń bas memlekettik sanıtarlyq dárigeri J. Bekshın sóz sóıledi.
Kúrdeli epıdemıologıalyq ahýal aıasynda mektepterde profılaktıkalyq medısınalyq tekserý júrgizý, sanıtarlyq normalardy qatań saqtaý, sondaı-aq tumaýǵa qarsy vaksınalaý jáne COVID-19-ǵa qarsy erikti vaksınalaý máselelerin túsindirý máseleleri kóterildi.
Qala ákiminiń orynbasary Erjan Babaqumarov jumysty kúsheıtýdi qajet etetin baǵyttardy belgiledi. Bul oqý prosesin uıymdastyrý, mektepterde sapaly tamaqtaný jáne jan basyna qarjylandyrý, pedagogtardy olardyń kásibı mindetterimen, pedagogterdiń fýnksıalaryna tán emes jumys túrlerine tartýǵa jol bermeý, mektepter men balalardyń áleýmettik mekemelerinde sanepıdemıologıalyq rejımde qaýipsizdikti qamtamasyz etý, ınklúzıvti oqytýdy uıymdastyrý jáne jumysyn rettestirý.