Ardagerlerge kórsetilgen qurmet
Qazaqstan Respýblıkasy Ulttyq ulany «Ońtústik» óńirlik qolbasshylyǵy qolbasshysynyń orynbasary polkovnık Nıaztaı Álkeshevtiń basshylyǵymen Ulttyq ulannyń áskerı qyzmetshileri men ardagerler keńesiniń ókilderi Qarttar kúni merekesimen Ulttyq ulan ardagerlerin quttyqtady.
Ulttyq ulannyń «Ońtústik» óńirlik qolbasshylyǵynyń esebinde búginde 80-ge jýyq egde jastaǵy ardager bar. Óńirlik qolbasshylyqqa qarasty 10 áskerı bólim osy ardagerlerdi qamqorlyqqa alǵan. Olar búgin ár ardagerdiń otbasyna arnaıy sálem bere baryp, merekemen quttyqtap, Qazaqstan Respýblıkasy İshki ister mınıstriniń orynbasary – Ulttyq ulan Bas qolbasshysy, general-leıtenant Rýslan Jaqsylyqovtyń jáne Qazaqstan Respýblıkasy Ulttyq ulany «Ońtústik» óńirlik qolbasshylyǵynyń qolbasshysy, general-maıor Talapker Ámireevtiń atynan alǵys hat pen syı-sıapat usyndy.
