Almaty qalasy ákiminiń orynbasary Erjan Babaqumarov onlaın formatta megapolıs aýmaǵynda ornalasqan jeke emhanalar basshylarymen kezdesý ótkizdi. Keńeske qalalyq Qoǵamdyq densaýlyq basqarmasynyń basshysy N.Tabynbaev pen «Áleýmettik medısınalyq saqtandyrý qory» KEAQ aýmaqtyq fılıalynyń basshysy T.Ábildaev qatysty.
İndet kezinde jáne elde úndi shtamy aınalymynyń aǵymdaǵylardan 2 ese qaýipti ekenin eskere otyryp, qalalyq shtab halyqty vaksınalaý jumystary kúsheıtetin bolady.
Erjan Babaqumarov Almatyda juqtyrýdyń jańa tolqynyn boldyrmaý úshin ujymdyq ımýnıtettiń qalyptastyrýdy jedeldetýge nazar aýdardy
"Basty maqsat – qala turǵyndarynyń densaýlyǵy men ekonomıkanyń jumys isteýiniń jalǵyz qorǵany bolyp tabylatyn vaksına júrgizýdi jedeldetý. Búginde halyqtyń 30%-da ujymdyq ımýnıtet qalyptasqan, aldaǵy mindet – 70-75% qamtý. Vaksınalaý qarqynyn tómendetýge bolmaıdy, bul COVID-19 jappaı juǵýynyń aldyn alýǵa jáne almatylyqtardyń ómiri men densaýlyǵyn qorǵaýǵa múmkindik beredi», - dedi qala ákiminiń orynbasary.
Aıta keterligi, “Halyqtyń densaýlyǵy men densaýlyq saqtaý júıesi týraly” QR Kodeksine sáıkes, medısınalyq kómek kórsetetin densaýlyq saqtaý sýbektileri ózgelerge qaýip tóndiretin aýrýlardyń aldyn alý boıynsha is-sharalar ótkizýge mindetti. Vaksına ınfeksıanyń aldyn-alýdyń jáne boldyrmaýdyń quraly. Ujymdyq ımýnıtet óz kezeginde medısınalyq qarsy kórsetkishteri bar ekpe almaǵan adamdardy, balalardy, júkti áıelderdi halyqtyń ınfeksıalarǵa qarsy profılaktıkalyq ekpelermen qamtýdyń shekti deńgeıine jetý arqyly qorǵaıdy.
Eske salsaq, Almatyda 23 maýsymdaǵy jaǵdaı boıynsha, barlyǵy 386 myńnan astam adam, al táýlik ishinde 5 840 adam ekpe aldy. Qalada medısınalyq uıymdarda, mektepterde, mádenıet, sport nysandarynda, bazar men qalanyń SOSO-da 211 vaksına pýnkti jumys isteıdi. 1 257 adam nan quralǵan 304 ekpe brıgadasy jumyldyrylǵan. Búginde qalada qolda bar vaksıannyń qaldyǵy mynadaı: birinshi komponentiniń 72 328 dozasy, ekinshi komponenttiń 99 473 dozasy.