2021 jyldyń basynan berí «Eńbek» memlekettík baǵdarlamasyna 286 myńǵa juyq adam qatysty
Aǵymdaǵy jylǵy 1 mausymdaǵy jaǵdaı boıynsha, 285,8 myń adam Nátıjelí jūmyspen qamtudy jáne jappaı kásípkerlíktí damytudyń 2017-2021 jyldarǵa arnalǵan «Eńbek» memlekettík baǵdarlamasynyń (būdan árí – «Eńbek» memlekettík baǵdarlamasy) qatysushylary boldy, dep habarlady Almaty-akshamy.kz QR Eńbek jáne halyqty áleumettík qorǵau mınıstrlígíníń habaryna sílteme jasap.
210,1 myń adam jūmysqa ornalastyryldy, onyń 107,1 myńy – tūraqty jūmysqa.
Baǵdarlamanyń bírínshí baǵyty ayasynda qysqa merzímdí kurstarǵa 7,4 myń adam jíberíldí.
Óz ísín ashu úshín 2 myńnan astam adam jeńíldíktí mıkrokredıtter, al 11,1 myńy qaıtarymsyz memlekettík granttar aldy.
Subsıdıyalanatyn jūmys oryndaryna 111,7 myń adam jūmysqa ornalastyryldy, onyń íshínde: áleumettík jūmys oryndaryna 14,3 myń adam; jastar praktıkasyna – 9,9 myń adam; qoǵamdyq jūmystarǵa – 87,5 myń adam.
Eńbek resurstarynyń ūtqyrlyǵy sheńberínde 745 otbasy nemese 2 383 adam qonys audardy, onyń íshínde 1 072 adam eńbekke qabílettí jasta. Onyń íshínde 701 adam jańa tūrǵylyqty jerínde tūraqty jūmys oryndaryna ornalastyryldy jáne 40 adam kásípkerlík qyzmetpen aınalysady.
Esteríńízge sala keteıík, 2020 jyly «Eńbek» memlekettík baǵdarlamasyna 649 myń adam qatysty. 437,3 myń adam jūmysqa ornalastyryldy, onyń 319,2 myńy tūraqty jūmysqa tūrdy. Jappaı kásípkerlíktí damytuǵa 12,7 myń mıkrokredıt jáne jańa bıznes-ıdeyalardy íske asyruǵa 44,9 myń memlekettík qaıtarymsyz grant beríldí.
Qysqa merzímdí oqytu kurstaryna 18,7 myń adam jíberíldí, al TjKB ūıymdarynda oqytumen 18,4 myń adam qamtyldy.
Būdan basqa, eńbek resurstarynyń ūtqyrlyǵyn arttyru sheńberínde jūmys kúshí artyq óńírlerden qūramynda 5,8 myń adamy bar 1,8 myń otbasy qonys audardy.