Sesıa jumysy Qazaqstan Respýblıkasy Táýelsizdiginiń 30 jyldyǵy men Elorda kúni qarsańynda ótip otyr.
Búgin Almaty qalasy ákiminiń orynbasary Erjan Babaqumarovtyń tóraǵalyǵymen Almaty qalalyq Qazaqstan halqy Assambleıasynyń HHİİ sesıasy boldy, dep habarlaıdy Almaty-akshamy.kz.
Kezdesýde Assambleıanyń qalalyq uıymdarynyń, onyń ishinde Almaty qalalyq Qazaqstan halqy Assambleıasynyń Hatshylyǵynyń, Qoǵamdyq kelisim keńesiniń jáne QHA Analar keńesiniń 2021 jyldyń birinshi jartyjyldyǵyndaǵy jumystarynyń qorytyndylary shyǵaryldy. Sonymen qatar, Qazaqstan Respýblıkasynyń Tuńǵysh Prezıdenti – Elbasy Nursultan Nazarbaevtyń qatysýymen ótken QHA-nyń HHİH sesıasynda qabyldanǵan sheshimder men QR Prezıdenti – QHA Tóraǵasy Qasym-Jomart Toqaev alǵa qoıǵan mindetterdi eskere otyryp, ekinshi jartyjyldyqta atqarylatyn jumys josparlary qarastyryldy.
Almaty qalalyq QHA Hatshylyǵynyń málimetinshe, jyl basynan beri megapolıste 100 áleýmettik mańyzy bar is-sharalar ótti. «30 ıgi is» respýblıkalyq qaıyrymdylyq marafony aıasynda ótkizilgen is-sharalar azamattyq qoǵamdy damytýǵa, balalar men jastardy tárbıeleýge, toleranttylyq ıdeıalaryn nyǵaıtýǵa baǵyttalǵan. Sonymen birge, COVID-19 pandemıasyna qarsy kúreste aldyńǵy shepte júrgenderdi: dárigerler men medbıkelerdi, sanıtarlar men eriktilerdi, tártip saqshylaryn qoldaýǵa basty nazar aýdaryldy.
Sonymen qatar, birinshi jartyjyldyqta Assambleıanyń qurylymdyq uıymdary men etnomádenı birlestikter ókilderiniń kúshimen 80 qaıyrymdylyq is-shara ótkizilip, onyń aıasynda 5 130 otbasyǵa jalpy somasy 73 mıllıon teńgeni quraıtyn materıaldyq kómek kórsetildi.
Qala ákiminiń orynbasary Erjan Babaqumarov jumysty Memleket basshysy Qasym-Jomart Toqaev qoıǵan mindetterge sáıkes, atap aıtqanda, Qazaqstan halqyn azamattyq biregeılik pen birlik qaǵıdattarynda toptastyrýǵa baǵyttalǵan QHA-nyń arnaıy jobalaryn iske asyrý boıynsha qurýdy tapsyrdy.