Almaty qalasy bilim basqarmasynyń aqparatyna sáıkes, 2022 jyldyń aqpan aıyna deıin 50 bilim berý uıymynyń basshylyq quramynan 150 adam qaıta daıarlaý baǵdarlamasynan ótedi.
Almaty ákimdigi bilim sapasyn arttyrý maqsatynda mektep dırektorlaryn qaıta daıarlaý baǵdarlamasyn iske qosty, dep habarlaıdy Almaty-akshamy.kz.
Almaty qalasynyń ákimdigi «Almaty mektebi» baǵdarlamasyn júzege asyrý arqyly «Basqarý men kóshbasshylyq: damý mektebi» basqarý komandalaryn kásibı turǵydan qaıta daıarlaý baǵdarlamasyn iske qosady.
Almaty qalasy ákiminiń orynbasary Erjan Babaqumarov alǵashqy dáristerge qatysyp, qala mektepteri dırektorlarynyń quzyretin arttyrý jónindegi jumys josparlaryn qarap, orta bilim berýdiń erekshe mańyzy bar adamı kapıtaldy damytýdyń mańyzdylyǵyn atap ótti.
Baǵdarlama jańa mazmunǵa ıe, oǵan qosa bilim berý saıasatyn jobalaý men qalalyq bilim berý júıesi menedjerleriniń basqarýshylyq bilimi men quzyrettiligin jetildirýge baǵyttalǵan.
«Baǵdarlama jetekshi bilim berý ortalyqtarymen birlesip jobalanǵan. Oqytýshylar men álemniń jetekshi mamandarymen ózara árekettesý, tájirıbe almasý jáne jańa bilim men daǵdylarǵa ıe bolý Almaty Bilim berý sapasyn halyqaralyq deńgeıge kóterýge aıtarlyqtaı serpin beredi», – dedi qalalyq bilim basqarmasynyń basshysy Lázzat Jylqybaeva.
Bul jobany EdCrunch Academy zamanaýı bilim berýdi damytý ınstıtýty «NZM» DBBU-men birlesip, QR Bilim jáne ǵylym mınıstrliginiń qoldaýymen júzege asyrýda. Baǵdarlamanyń oqytýshylary bilim berý salasyndaǵy jetekshi sarapshylar, sonyń ishinde EYDU sarapshylary bolyp tabylady. Oqytý kezinde qatysýshylar tájirıbeli sarapshylardan tútorlyq qoldaý alady, jańa quzyretter boıynsha modýlaralyq onlaın-kýrstarǵa qol jetkize alady jáne shetelde taǵylymdamadan ótý múmkindigine ıe bolady. Baǵdarlama aıaqtalǵannan keıin qatysýshylar bitirý jumystaryn - Almaty qalasy bilim basqarmasy men «NZM» DBBU sarapshylar qoǵamdastyǵy aldynda ózderiniń bilim berý uıymdaryn damytý baǵdarlamasyn qorǵaıdy.