Almaty qalasy Qazaqstan halqy Assambleıasy tóraǵasynyń orynbasary, qala ákiminiń orynbasary Erjan Babaqumarov qalanyń etnomádenı birlestikteriniń ókilderimen kezdesýde megapolıste qoǵamdyq kelisimdi damytý men nyǵaıtýdyń ózekti máselelerin talqylady, dep habarlaıdy Almaty-akshamy.kz
Kezdesý QR Tuńǵysh Prezıdenti kúni ashylǵan qalalyq Dostyq úıinde ótti.
Kezdesý barysynda Dostyq úıiniń jumysyn damytý máseleleri, qalanyń QHA-nyń perspektıvalyq baǵyttary, mádenı-gýmanıtarlyq jáne qaıyrymdylyq salalaryndaǵy yqtımal jobalar talqylandy.
Kezdesýde 2022-2023 jyldarǵa arnalǵan Almaty qalasy turǵyndarynyń etnıkalyq toptary arasynda mádenıetaralyq komýnıkasıany, ózara is-qımyl men ıntegrasıany odan ári damytý jónindegi jumys tujyrymdamasy usynyldy. Kezdesýge qatysýshylardyń pikirin eskere otyryp, qujat jobasyna tolyqtyrýlar engiziletin bolady.
E. Babaqumarov qalanyń etnomádenı birlestikteri qalaı ornalasqandyǵymen tanysty. Olardyń barlyǵy Almatyda 36. Keń ǵımaratta dástúrlerdi, tilderdi, mádenıetti saqtaý úshin barlyq jaǵdaılar jasalǵan. Munda 24 kabınet, konferens-zal, til synyby, bı zaly, medıasıa jáne qoǵamdyq kelisim keńesi kabınetteri, sondaı-aq qoǵamdyq qabyldaý bólmesi bar.
Kezdesý sońynda E. Babaqumarov etnomádenı birlestikterdiń belsendi múshelerine etnosaralyq qatynastardy damytýǵa jáne qoǵamdyq kelisimdi nyǵaıtýǵa qosqan úlesi úshin alǵys hattardy tapsyrdy.