Almatynyń Óńirlik komýnıkasıalar qyzmetiniń brıfıńine «Ulttyq volonterlik jeli» ókilderi qatysty, olar volonterlerdiń elimizdiń jáne megapolıstiń ımıjin arttyrýǵa qalaı kómek kórsetip jatqanyn aıtyp ótti, dep habarlaıdy Almaty-akshamy.kz.
Mysaly, «Azıa daýysy» festıvalin ótkizý barysynda eriktiler sheteldik týrıserge Medeýde ózderin jaıly sezinýge kómektesti. Sondaı-aq, spıkerler volonterlikti qoldaý sharalary men qoldanystaǵy jobalar týraly aqparatpen bólisti.
Esterińizge sala keteıik, Almatyda 30-dan astam eriktiler uıymdary men toptary jumys isteıdi, olardyń quramynda 50 myńnan astam erikti bar.
Tatána almatylyq eriktiler osy jyldyń mamyr aıynda ótken Halyqaralyq eriktiler forýmyn uıymdastyrýǵa belsene qatysqanyn atap ótti.
Taǵy bir spıker, jastardy áleýmettendirý jáne jastar bastamalaryn qoldaý bólimi basshysynyń mindetin atqarýshy Nursultan Bekqaıyrov Almaty jastary eriktiler uıymdarynyń qyzmetine belsendi qatysatynyn atap ótti. Ol volonterlerdiń qazirgi front - keńsesi týraly aıtyp berdi, sonyń arqasynda birneshe jobalar bastaldy.
Olardyń ishindegi eń irisi – «Tilder saıabaǵy», onyń aıasynda qalanyń 8 aýdanynda qazaq jáne shet tilderin oqytý boıynsha tegin sabaqtar ótkiziledi. Oqytý taza aýada, qalanyń saıabaqtary men skverleriniń aýmaǵynda beıresmı jaǵdaıda ótedi.
Jalpy, jyl basynan beri almatylyq eriktiler 450-den astam is-sharaǵa qatysty. Aıta keteıik, qala eriktileri Abaı oblysynda zardap shekkenderge 50 tonnaǵa jýyq gýmanıtarlyq kómek jınady.
Spıkerdiń aıtýynsha, Almatynyń volonterlik qozǵalysynda eriktilerdi yntalandyrýdan turatyn jaqsy dástúr qalyptasqan.
Eriktiler qataryna qosylǵysy keletinder bolsa,Baıtursynov kóshesi, 22, 1-korpýs mekenjaıyndaǵy front-keńsege barý qajet. Nemese qajetti aqparatty qazvolunteer.kz saıtynan jáne volonterlik birlestiktiń áleýmettik jelileri arqyly tabýǵa bolady.