Almatyda alaıaqtardy eriktilerden qalaı ajyratýǵa bolatyndyǵy aıtyldy, dep habarlaıdy Almaty-akshamy.kz
Bul týraly Almaty qalasynyń Óńirlik komýnıkasıalar qyzmetiniń brıfıńinde «Ulttyq eriktiler jelisi» ZTB atqarýshy dırektory Tatána Mıronúk málimdedi.
Brıfıńte jýrnalıser jáshikteri bar jastar avtobýstar men qala kóshelerinde aýrý balalardy emdeý úshin qaıyrymdylyq jınaıtynyn mysalǵa keltire otyryp, naǵyz eriktilerdi alaıaqtardan qalaı ajyratýǵa bolatyndyǵy týraly suraq qoıdy.
Spıker bul máseleniń ózekti ekenin atap ótti.
«Kóbine mundaı adamdar Qazaqstan Respýblıkasy zańnamasynyń úsh babyn buzady.Birinshiden, olar negizinen jasóspirimderdi jaldaıdy. Munda kelisimsharttyń durystyǵyn qaraý kerek. Ekinshi másele-kóshedegi adamdardyńmazasyn alý. Maǵan olardy eriktiler dep aıtý qıyn. Aqshany syıǵa tartqan adamdar qaıda beriletinin bilmeıtinin túsinýkerek», - dep atap ótti Tatána Mıronúk.
Ol bizdiń elimizde «Eriktilik» jáne «Qaıyrymdylyq qyzmeti» týraly zańdar bar ekenin eske saldy. Olardyń ekinshisinde eriktilerdiń kim ekendigi jáne qaıyrymdylyq degen ne ekendigi týraly túsinik bar. Bul tólemderdiń barlyǵyna kópshilik aldynda esep berilýi kerek.
«Eger sizt qaıyrymdylyqqa dep bergen aqshańyzdyń qaıda ketetinin bilmeı, qadaǵalaı almasańyz, mundaıda jarıalylyq pen ashyqtyq bolmaıdy. Eger eshqandaı esep berý bolmasa jáne jarıalanbasa, meniń keńesim-óz qarajatymdy bermeý», - dedi spıker.