Eńbek jáne halqty áleýmettik qorǵaý mınıstrliginiń dereginshe, búgingi tańda osy EUS 1246 otbasyna berilgen.
Sertıfıkattar Úkimet belgilegen qonystaný aımaqtaryna turaqty turýǵa kóshken kandastar men ishki qonys aýdarýshylarǵa beriledi jáne turǵyn úı satyp alýda materıaldyq kómek kórsetýdi kózdeıdi, dep habarlaıdy aqshamnews.kz
2023 jyldan bastap QR 2023-2027 jyldarǵa arnalǵan kóshi-qon saıasatynyń tujyrymdamasyn iske asyrý aıasynda jumys kúshi artyq aýmaqtardan jumys kúshi tapshy óńirlerge erikti túrde qonys aýdarýdy yntalandyrý úshin ekonomıkalyq utqyrlyq sertıfıkattary engizildi.
Sertıfıkat bir ret óteýsiz jáne qaıtarymsyz negizde turǵyn úı qunynyń 50% nemese bir otbasyna 4,2 mln teńgege deıin beriledi.
«Materıaldyq kómek Ulttyq bank bekitken ıpotekalyq baǵdarlama jáne (nemese) Úkimet bekitken memlekettik turǵyn úı qurylysy baǵdarlamasy sheńberinde turǵyn úı satyp alý, salý úshin nemese ıpotekalyq turǵyn úı qaryzdary boıynsha bastapqy jarnanyń bir bóligin jabý úshin jergilikti atqarýshy organnyń aqshalaı mindettemesi nysanynda usynylady», -delingen mınıstrliktiń habarlamasynda.