Qozǵalysty baqylaý úshin 102 kamera ornatyldy.
Nysandy polısıa kúzetedi, dep habarlaıdy aqshamnews.kz
Kólik mınıstri Marat Qarabaev Qazaqstandaǵy eń uzyn kópirdi kútip ustaýǵa qansha aqsha kerek ekenin aıtty.
«Shyǵys Qazaqstan oblysynda Buqtyrma sý qoımasy arqyly ótetin elimizdegi eń uzyn kópirge qyzmet kórsetý úshin jeke brıgada tartylady. Qaýipsizdikti saqtaý úshin kópirdiń eki basyna blok-beket qoıylady. Nysanda polısıa bólimsheleri jumys isteıdi», - dedi Marat Qarabaev.
Kópirdi kútip ustaý óńirdegi jergilikti bılikke júkteledi. Biraq oǵan qomaqty qarjy qajet.
«Qatelespesem, oǵan shamamen 300 mln teńge kerek. Bul sandy áli naqtylaý shart. Bul jumys oblys ákimdiginiń qurylymyndaǵy joldarǵa qyzmet kórsetetin uıymǵa júkteledi», - dedi mınıstr.