Air Astana áýekompanıasy jolaýshylarǵa arnalǵan ushý aldyndaǵy nusqaýlyqtyń biregeı formatyn usyndy. Onda qaýipsizdik erejelerin dástúrli túsindirý ádisi elimizdiń tarıhy men mádenıetiniń ózindik erekshelikterimen ádemi úndesip otyr. Túsirý alańy retinde elimizdegi keń tanymal 7 týrısik oryn tańdalǵan: «Medeý-SHymbulaq» aspaly joly, «Medeý» bıik taýdaǵy muz aıdyny, Kaspıı teńizi, İle ózenindegi Nomad bekinisi, EXPO halyqaralyq kórme ortalyǵy, Astana qalasyndaǵy «Atyraý» kópiri jáne «Baıqońyr» ǵarysh aılaǵy. Túsirilim oryndary kóz tartarlyq ádispen aýysyp otyrady: elordanyń qaınaǵan ómiri Bozjyra shatqalynyń ǵaryshtyq landshaftarymen almasyp, ary qaraı İle Alataýynyń ushar shyńyn qar basqan betkeıleri men Kólsaı kólderiniń aıdyna jalǵasady, odan keıingi kadrlary Sharyn shatqalynyń boıy men Altyn Emel tabıǵı parkiniń kóshpeli qumdaryna aýysqan rolık sońynda ulttyq tasymaldaýshynyń stıldengen logotıpimen aıaqtalady. Rejısery – Aısultan Seıtov. Kompozıtory – Emıl Dosov.