Memleket basshysynyń tapsyrmasyn iske asyrý jáne ınklúzıvti, arnaıy bilim berýdi júıeli damytý maqsatynda QR Oqý-aǵartý mınıstrligi «Erekshe bilim berý qajettilikteri bar balalardy arnaıy psıhologıalyq-pedagogıkalyq qoldaý standartyn bekitý týraly» buıryq jobasyn ázirledi, dep habarlaıdy aqshamnews.kz
Bul týraly vedomstvonyń baspasóz qyzmeti habarlady.
Qujat arnaıy bilim berýdiń sharttaryna, sapasy men mazmunyna qoıylatyn biryńǵaı eń tómengi talaptardy aıqyndaıdy, sondaı-aq osyndaı qoldaý kórsetýge jaýapty uıymdar men mamandardyń qyzmetin retteıdi. Memlekettik deńgeıde alǵash ret bilim berýdiń barlyq satylarynda erekshe bilim berý qajettilikteri bar balalardy súıemeldeýge júıeli tásil bekitiledi.
«Buıryq jobasy balalardyń barlyq sanattary úshin sapaly bilimge teń qoljetimdilikti qamtamasyz etý jolyndaǵy mańyzdy qadam bolmaq. Qazir sondaı-aq «Erekshe bilim berý qajettilikteri bar balalardy keshendi qoldaý týraly» QR Zańy ázirlenýde, ol balalar men otbasylaryn vedomstvoaralyq súıemeldeýdiń ınstıtýsıonaldyq jáne quqyqtyq tetikterin qamtıtyn bolady», - dep atap ótti ınklúzıvti jáne arnaıy bilim departamentiniń dırektory Laýra Býtabaeva.
Esterińizge sala keteıik, ótken jyly mınıstrlik ınklúzıvti jáne arnaıy bilim berý salasyndaǵy normatıvtik bazaǵa keshendi taldaý júrgizdi. Onyń qorytyndysy boıynsha 15 Normatıvtik-quqyqtyq akt bekitilip, nátıjesinde, balalarǵa týǵannan bastap mamandyq alǵanǵa deıingi psıhologıalyq-pedagogıkalyq súıemeldeýdiń úsh deńgeıli modeli engizildi. Qoldaý kabınetterine jańa talaptar belgilendi, erekshe bilim berý qajettilikteri bar balalarmen jumys isteýdiń jeke baǵdarlamalary ázirlendi, pedagog-assıstent, arnaıy pedagog jáne jeke kómekshi sıaqty jańa laýazymdar engizildi.
2024 jyldyń derekteri boıynsha Qazaqstanda erekshe bilim berý qajettilikteri bar balalardyń sany 230 myńnan asty.