Joba aýtızmi bar balalardyń qoǵamǵa beıimdeýge baǵyttalǵan
Qaraǵandy oblysy respýblıkada birinshi bolyp aýtıst balalarǵa arnalǵan sporttyq jobany iske qosty. Ol úshin on jattyqtyrýshy arnaıy oqytylyp, «Beıimdelgen dene shynyqtyrý» kýrsy boıynsha sabaqtar ótkizip jatyr, dep habarlaıdy Almaty-akshamy.kz Inform.kz-ke silteme jasap.
«Joba bir aıdan beri jumys isteýde. On jattyqtyrýshy onlaın-formatta Reseı akademıasynda oqytýdan ótýde, sonymen qatar jumys isteıdi. Buǵan qosa olardyń on kómekshisi bar. Memlekettik tapsyrys boıynsha biz Qaraǵandy, Temirtaý jáne Saran qalalarynda 80 balany jınadyq. Joba aýtızmi bar balalardyń qoǵamǵa beıimdelýine baǵyttalǵan. Osy az ýaqyt ishinde biz nátıjelerdi kórip otyrmyz», - dedi aýtızm jáne mentaldyq buzylystary bar balalarǵa arnalǵan sporttyq-saýyqtyrý jobasynyń jetekshisi Gaýhar Akıjanova.
Sabaqtar aptasyna eki ret, bir jarym saǵattan ótedi. Aldymen gımnastıka jáne qurlyqta beıimdelgen jattyǵýlar, sodan keıin júzý. Joba jetekshisiniń aıtýynsha, beıimdelýden keıin aptasyna taǵy bir sabaq qosý josparlanýda.
«Osy bir aıdyń ishinde biz dostasyp kettik. Ár balanyń ıkemin tabý kerek. Nátıjelerdi kórgende, bala barlyǵyn oıdaǵydaı oryndaǵanda, qýanamyz», - dep bólisti jattyqtyrýshy Elena Raıngardt. Ata-analar da óte rıza.
«Meniń ulym 11 jasta. Biz júzý bólimi týraly bilgende óte qýandyq. Sabaqtar tegin. Bizdiń balalar sýdy jaqsy kóredi, ol olardy tynyshtandyrady. Biz uıymdastyrýshylarǵa, jattyqtyrýshylarǵa rızamyz», - deıdi erekshe balanyń anasy Qarlyǵash Jumadilova.
Bul óńirdegi múgedek adamdarǵa sport nysandarynyń qoljetimdiligi úshin jasalyp jatqan jalǵyz nárse emes. Memlekettik tapsyrys boıynsha júzden astam erekshe bala taekvondo jáne shahmat seksıalarynda shuǵyldanady.
Mektepte múgedekter sporty boıynsha jattyqtyrýshylar shtaty ulǵaıtyldy. Jumys istep turǵan sport nysandary múmkindigi shekteýli adamdarǵa beıimdelýde. Inklúzıany eskere otyryp, jańa sport alańdary salynýda.