Bokstan áıelder arasyndaǵy bokstan álem chempıonatynda búgin, 10 mamyrda qazaqstandyq bir sportshy sharshy alańǵa shyǵady, dep habarlaıdy Almaty-akshamy.kz Inform.kz-ke silteme jasap.
Álem chempıonaty 8 mamyrda Túrkıanyń Ystanbul qalasynda bastaldy. Ol 20 mamyrda máresine jetedi. Dúbirli dodada búgin, 10 mamyrda el quramasynan Alýa Balqybekova (48 keli) keshki sesıada sharshy alańǵa shyǵady. Qarsylasy - kanadalyq Prıanka Dıllon. Keshki sesıa elorda ýaqytymen 17.00-de bastalyp, «Qazsport» telearnasynan tikeleı efırde kórsetiledi.
Eske salsaq, 8 mamyrda el quramasynan Valentına Halzova (70 keli) kenıalyq Lorna Kýsa Sımbıdi tize búktirdi.
Dúbirli dodada elimizdiń atynan 12 boksshy synǵa túsedi. Olardyń qatarynda Nazym Qyzaıbaı (50 keli), Jaına Shekerbekova (52 keli), Dına Jolaman (54 keli), Karına Ibragımova (57 keli), Rımma Volosenko (60 keli), Aıda Ábikeeva (63 keli), Darıǵa Shákimova (66 keli), Nadejda Rábes (75 keli), Gúlsaıa Erjan (81 keli) jáne Lázzat Kúngeıbaeva (81 keliden joǵary) bar.
Atalǵan týrnır 1974 jyldan beri turaqty túrde uıymdastyrylyp keledi. Qazaqstan quramasy qazirge deıin barlyǵy 51 medal enshiledi. Onyń 14-i - altyn, 15-i - kúmis, 22-si - qola.