Erdoǵan 31 naýryzda ótetin mýnısıpaldy saılaý ózi úshin sońǵy saılaý bolýy múmkin ekenin aıtty.
Saıasatker 2028 jyly prezıdenttikten ketkennen keıin AKP-nyń konservatorlary bılikte qala beretinine senim bildirdi, dep habarlaıdy Almaty-akshamy.kz.
Túrkıada naýryz aıynyń sońynda ótetin mýnısıpaldy saılaý eldiń qazirgi prezıdenti Rejep Taıyp Erdoǵan úshin sońǵysy bolmaq. Bul týraly memleket basshysy juma kúni, 8 naýryzda TUGVA jastar uıymynyń otyrysynda málimdedi. Erdoǵan zańnama boıynsha ózine berilgen ókilettikterge toqtaldy.
Sonymen birge, 70 jastaǵy saıasatker ózi jetekshilik etetin konservatıvti Ádilet jáne damý partıasy Erdoǵan memleket basshysy qyzmetinen ketkennen keıin de bılikte qalatynyna senim bildirdi.
Rejep Taıyp Erdoǵan 20 jyldan astam ýaqyt bılikte boldy. 2003 jyly ol alǵash ret premer-mınıstr, 2014 jyly prezıdent bolyp saılandy.
2018 jyly Erdoǵan joǵary memlekettik laýazymǵa qaıta saılandy. 2023 jyly ol prezıdenttik saılaýda qaıtadan jeńiske jetti, biraq tek ekinshi týrda opozısıanyń jalǵyz kandıdaty Kemal Kylychdaroglýdy jeńdi. Qazirgi memleket basshysynyń ókilettigi 2028 jyly aıaqtalady.