Bolıvıa astanasy La-Pastada tolassyz jaýǵan jańbyr saldarynan Hýaılanı ózeni arnasynan tasyp, kósheler men úılerdi sý shaıyp jatyr.
Keı jerde laı kóshkini júrgen. Qala meri Ivan Arıas 1 turǵynnyń qaza bolǵanyn habarlady. Halyq úkimet tarapynan kómektiń jetkiliksiz ekenin aıtady. Adamdar qajet zattaryn alyp, qaýipsiz jer izdep ketken. Tabıǵı apatqa klımat ózgerisi sebep, dep habarlaıdy Almaty-akshamy.kz 24.kz-ke silteme jasap.
Dýbaıdy da sý basyp jatyr. Qalada nóser quıyp, naızaǵaı oınady. Ádette jańbyr az jaýǵandyqtan, shahardyń ınfraqurylymy tasqynǵa daıyn bolmaı shyqty. Sýaǵarlardyń joqtyń qasy. Kólik qozǵalysy qıyndaǵan. Tipti áýejaıdaǵy 13 reıs basqa qalalarǵa jiberildi. Bılik adamdarǵa syrtqa shyqpaýdy, jaǵajaıǵa jaqyndamaýdy jáne kólikti abaılap júrgizýdi eskertti. Meteorologtar qolaısyz kún raıy áli jalǵasatynyn aıtady.