Reseı-Ýkraına soǵysyndaǵy sońǵy jaǵdaı men kelissózder barysy talqylandy
Reseı Prezıdenti Vladımır Pýtın men Túrkıa basshysy Rejep Taııp Erdoǵan jeksenbi kúni telefon arqyly sóılesý barysynda Reseı men Ýkraına delegasıalary arasyndaǵy kelissózderdiń kelesi raýndyn Ystanbulda ótkizý týraly ýaǵdalasty, dep habarlaıdy Almaty-akshamy.kz QazAqparatqa silteme jasap.
«Kelissózder barysynda Reseı-Ýkraına soǵysyndaǵy sońǵy jaǵdaı men kelissózder barysy talqylandy. Prezıdent Erdoǵan men Reseı Prezıdenti Vladımır Pýtın Reseı men Ýkraına kelissózder delegasıalarynyń kelesi kezdesýin Ystanbulda ótkizýge kelisti», - dep habarlady jýrnalıserge Túrkıa Prezıdentiniń keńsesinen.
TASS agenttiginiń málimetinshe, buǵan deıin Reseı delegasıasynyń basshysy, prezıdent kómekshisi Vladımır Medınskıı Reseı men Ýkraına delegasıalary kelissózderdiń kezekti betpe-bet raýndyn 29-30 naýryzda ótkizý týraly sheshim qabyldaǵanyn habarlaǵan bolatyn.
Sondaı-aq Erdoǵan jeksenbi kúni Pýtınmen telefon arqyly sóılesken kezde, Ankara Reseı men Ýkraına arasynda beıbitshiliktiń ornaýyna yqpal etýdi jalǵastyratynyn atap ótken.
«Prezıdent Erdoǵan Reseı men Ýkraına arasynda qysqa ýaqytta bitim men beıbitshilik ornatý, sondaı-aq óńirdegi gýmanıtarlyq jaǵdaıdy jaqsartý qajettigin, Túrkıa bul jaǵdaıǵa óz úlesin qosýdy jalǵastyratynyn aıtty», - dep habarlady jýrnalıserge Túrkıa Prezıdentiniń keńsesinen.