Sonymen birge, ákim ardagerler keńesin qarjylandyrýdy ulǵaıtýdy tapsyrdy.
Almaty ákimi Erbolat Dosaev Qarttar kúnine oraı ardagerlerdiń Almaty keńesiniń tóraǵasy Ahan Bıjanov bastaǵan qalalyq ardagerler Keńesi Tóralqasynyń múshelerimen kezdesý ótkizdi, dep habarlaıdy Almaty-akshamy.kz.
Otyrysty ashqan Erbolat Dosaev jastardy rýhanı-adamgershilik tárbıeleý máselelerinde aǵa býynnyń mańyzdy ról atqaratynyn atap ótti. Ardagerler keńesi zeınetkerler arasynda mádenı-buqaralyq, sporttyq, tanymdyq is-sharalardy uıymdastyrýǵa,sondaı-aq qalanyń barlyq qoǵamdyq-saıası is-sharalaryna belsendi túrde qatysady.
«Sizder bizdiń dástúrlerimiz ben tarıhymyzdyń mura etken ári úlken ómirlik tájirıbeni, aqyl - parasatty ıelengen zıaly tulǵasyzdar. Qala ákimdigi óz tarapynan bizdiń egde jastaǵy turǵyndarymyzǵa qamqorlyq pen kómekti kórsetý úshin qoldan kelgenniń bárin jasaýda», - dedi qala ákimi jáne Tóralqa múshelerin Qarttar kúnimen quttyqtady.
Kezdesý barysynda Almatyda qarttardy áleýmettik qoldaý, zeınetkerlerge medısınalyq qyzmet kórsetý jáne sanatorıı-saýyqtyrý sharalaryna nazar aýdaryldy. Jyl basynan beri Almaty ákimdigi 19 myńnan astam zeınetkerge sanatorıı-saýyqtyrý boıynsha kómek kórsetti, Komýnaldyq qyzmetterge jalpy somasy 900 mln.teńgelik tarıfter óteldi. «Belsendi uzaq ómir súrý» qalalyq baǵdarlamasy aıasynda qalanyń barlyq aýdandarynda belsendi uzaq ómir súrýdiń 10 ortalyǵy jumys isteıdi, onda egde jastaǵy adamdarǵa medısınalyq, oqytý jáne mádenı qyzmetterden bastap arnaıy qyzmetter kesheni kórsetiledi. Aǵymdaǵy jyldyń basynan beri ortalyqtarǵa 50 myńnan astam adam keldi. Ortalyqtar ashylǵan kúnnen bastap 1742 zeınetkerge medısına, bilim berý, bos ýaqytty qosa alǵanda, naqty baǵyttar boıynsha 49 myńǵa jýyq túrli áleýmettik qyzmetter kórsetildi.
Almaty Ardagerler keńesiniń tóraǵasy Aqan Bıjanov búgingi tańda keńes 237 myń adamdy biriktiretinin aıtty. Uıym UOS ardagerlerine, tyl eńbekkerlerine jáne soǵysty bastan ótkergenderge qoldaý kórsetedi. Sonymen qatar, zeınetkerler úshin túrli is-sharalar ótkiziledi. Ótken jyly keńes uıymdastyrǵan is-sharalarǵa 52 myńnan astam zeınetker qatysty. Sonymen qatar, aǵa býyn «Shyńǵa órleý» qalalyq baǵdarlamasyn oryndaýǵa belsendi qatysady, onda ardagerler tárbıe jumysynyń túrli baǵyttary boıynsha az qamtylǵan otbasylardan shyqqan balalarmen synyptan tys sabaqtar men kezdesýler ótkizedi.
Aýdandarda júrgizilip jatqan jumystar týraly jáne óz usynystarymen Almaly aýdandyq ardagerler keńesiniń tóraǵasy Bataı Qabylov, Naýryzbaı aýdandyq keńesiniń tóraǵasy Mádenıet Qarkenov sóz sóıledi.
Talqylaý qorytyndysy boıynsha Almaty ákimi Erbolat Dosaev Belsendi uzaq ómir súrý ortalyqtarynyń oń tájirıbesin keńeıtýdi tapsyrdy.
«Uzaq ómir súrý ortalyqtary aǵa býyn azamattarynyń áleýetin iske asyrý, uzaq ómir súrýdi yntalandyrý jáne olardy belsendi qoǵamdyq qyzmetke tartý úshin jaqsy quralǵa aınaldy», - dep atap ótti ákim jáne aýdan ákimderine halyqtyń ósimin eskere otyryp qamtýdy taldaýdy jáne qosymsha ortalyqtar ashý jobalaryn ázirleýdi tapsyrdy.
Jalpy, ortalyqtarda egde jastaǵy adamdardy sabaqtarmen jáne bos ýaqytpen qamtýdy 2 esege arttyrý josparlanýda.
Erbolat Dosaev sanatorıı-saýyqtyrý emine kvotalardy qosymsha ulǵaıtý máselesin pysyqtaýdy tapsyrdy (aǵymdaǵy normalarǵa sáıkes aldaǵy jyly keminde 3000 ardager kvotalardy paıdalana alady, 2022 jyly bul qyzmetti 2230 adam qoldandy). Egde jastaǵy adamdardy qoldaý sharalaryn odan ári damytý úshin qala ákimi «Ardagerlerdi qoldaý jóninde keshendi is-sharalar ótkizý» jobasyn memlekettik áleýmettik tapsyrys aıasynda qarjylandyrý kólemin ulǵaıtý múmkindigin qarastyrýdy, sondaı-aq túrli ákimshilik kedergilerdi joıý úshin qujattar toptamasyn úsh jyl ishinde bir aq ret qaraýǵa kóshýdi tapsyrdy. Ardagerler úshin memlekettik áleýmettik tapsyrystyń quny sońǵy ret 5 jyl buryn qaıta qaralǵanyn atap ótemiz.
Eske salsaq, Almatyda Qarttar aılyǵy aıasynda qalanyń barlyq aýdandarynda mádenı-demalys, sporttyq is-sharalar jalǵasýda.