Almaty ákiminiń m.a. Erbolat Dosaevtyń halyqpen kezekti kezdesýi Túrksib aýdanynda ótti. Qala basshysy aýdannyń damýy jáne turǵyndardan túsken usynystar boıynsha atqarylǵan jumystar jaıly aıtty. Kezdesýge 200-den astam adam qatysty, dep habarlaıdy Almaty-akshamy.kz.
Aýdanda ınjenerlik jelilerdi jańǵyrtý máselesi ózekti másele bolyp qala beredi. Bıyl jyl basynan beri 71,6 km ınjenerlik jeli salyndy, jumys aıaqtalǵan soń 20 myńnan astam turǵynǵa ortalyq komýnıkasıalarǵa qosylýǵa múmkindik beredi. Sonymen qatar, jyl sońyna deıin 3 káriz sorǵy stansıasynyń qurylysy aıaqtalady. Buǵan qosa, sýmen jabdyqtaý boıynsha taǵy 64,4 km jeli qurylysyna jobalaý-smetalyq qujattamasy alyndy.
Aýdandy turaqty elektr qýatymen qamtamasyz etý úshin «Shýaqty» yqshamaýdanynda 5,5 shaqyrym eski elektr jelisi jańǵyrtylyp, onyń 95%-y rekonstrýksıadan ótti.
2023 jyldyń basynda «Álmerek» jáne «Qaırat» yqshamaýdanynda elektr jelilerin rekonstrýksıalaý bastalady. «Tuzdybastaý» qosalqy stansıasy salynýda, bul jumystar 2023 jyldyń maýsym aıynda aıaqtalady dep kútilýde.
Ákimmen maýsym aıyndaǵy aldyńǵy kezdesýde Jahanger kóshesindegi 22 úıdi elektrmen jabdyqtaý máselesi kóterilgen edi. Qazirgi tańda jańa elektr jelisin salý jumystary aıaqtaldy. Turǵyndar qalalyq jelige qosylǵan jáne úzdiksiz elektr qýatymen qamtamasyz etilgen.
Magıstraldyq kósheler boıynsha kóshe jaryǵy jelilerin modernızasıalaý aıaqtalyp, jyl sońyna deıin Túrksib aýdany kósheleriniń 90%-y jaryqpen qamtylady.
Aýdanda jol ınfraqurylymyn jáne qoǵamdyq kólikti damytý máselesi boıynsha uzyndyǵy 9 km 17 kóshe jóndeldi. Jalpy aýdany 20 myń sharshy metr 89 kóshe aǵymdaǵy jóndeýden ótti, uzyndyǵy 9 km 11 kóshege trotýarlar salynyp, jóndeldi. Mekteptegi oryn tapshylyǵyn azaıtý úshin №59 mektep-gımnazıa ǵımaratyn rekonstrýksıadan ótkizip, 900 orynǵa kóbeıtý qarastyrylǵan. Kelesi jyly aýdandaǵy eki mektepte 1050 oryndyq qosymsha qurylys bastalady.
Medısınalyq qyzmet kórsetýdiń qadamdyq qoljetimdiligin qamtamasyz etý úshin jeltoqsan aıynda «Nurshashqan» yqshamaýdanynda kúnine 100 kelýshini qabyldaıtyn dárigerlik ambýlatorıanyń qurylysy bastalady. 2023 jyldyń I toqsanynda Aıbasov kóshesindegi aýysymyna 200 adam qabyldaıtyn taǵy bir dárigerlik ambýlatorıa salý josparlanyp otyr.
Buǵan qosa, qala ákiminiń m.a. Erbolat Dosaev aýdannyń qoǵamdyq qaýipsizdigin qamtamasyz etý sharalaryna toqtaldy. Jyl sońyna deıin 174 mekenjaıda 322 beınebaqylaý kamerasy ornatylady. 2023 jyldyń sáýir aıynda 96 mekenjaıda taǵy 448 «Sergek» kamerasyn paıdalanýǵa berý josparǵa engen.
«Halyq qatysatyn búdjet» baǵdarlamasy boıynsha aýdanda barlyq josparlanǵan 28 joba iske asyryldy: 14 abattandyrý orny, 10 balalar jáne sport alańdary, 4 konteınerlik alań.
Almaty ákiminiń m.a. kezdesý barysynda turǵyndar joldardy, káriz jáne elektr jelilerin jóndeý, abattandyrý jáne t.b. máselelerdi kóterdi.