Eýropa Qaıta Qurý jáne damý bankiniń (EQDB) vıse-prezıdenti Alan Pıý, Ortalyq Azıa boıynsha basqarýshy dırektor Jýjanna Hargıtaı jáne EQDB-nyń Qazaqstan boıynsha dırektory Hýseın Ozhannyń qatysýymen ótken kezdesýde «jasyl» jobalardy iske asyrý, sondaı-aq «jasyl bondtardy» shyǵarý arqyly qalanyń ınfraqurylymyn jaqsartý jónindegi baǵdarlamalardy birlesip qarjylandyrý máseleleri jan-jaqty talqylandy.
Kezdesý barysynda ekologıalyq máselelerge erekshe nazar aýdaryldy. EQDB vıse-prezıdenti Alan Pıý «Jasyl qala» is-qımyl josparyn tanystyrdy, onda memlekettik organdarmen birlesip ekologıalyq máselelerdi sheshý úshin jobalar pýly anyqtaldy. Almaty JEO-2-ni kómirden gazǵa kóshirý qala úshin negizgi joba bolmaq, munda EQDB kredıtorlardyń biri bolyp tabylady. Taraptar 2-JEO modernızasıalaýdy iske asyrý barysyn talqylady, dep habarlaıdy Almaty-akshamy.kz.
«Jasyl qala» is-qımyl jospary baǵyttarynyń biri - qalalyq ınfraqurylym men «Sıfrlyq kóshirme» jobasy prosesteriniń joǵary dáldiktegi sıfrlyq kóshirmesin jasaý ekeni belgilendi. Júıe klımattyń ózgerýi, qoǵamdyq kólik, halyqtyń ósýi jáne t.b. máselelerdi qosa alǵanda, ártúrli jaǵdaılarda ınfraqurylymdy stress-testileý derekterin óńdeýge arnalǵan platforma bolyp tabylady.
Kezdesý barysynda birlesken qarjylandyrý máseleleri talqylandy. Elimizde júrgizilip jatqan reformalar megapolıske qarjylandyrýdyń jańa tetigi – «jasyl» oblıgasıalardy iske qosýǵa múmkindik beredi.
Sondaı-aq, taraptar Almatyda energıa tıimdiligi jáne energıa únemdeý, sý, jylý shyǵyndaryn azaıtý úshin ınjenerlik ınfraqurylymdy jańǵyrtý jáne t. b. boıynsha ESG-jobalaryn iske asyrý máselelerine de toqtaldy.
Qala ákimi Erbolat Dosaev EQDB 30 jyl boıy Qazaqstan men Almaty úshin iri strategıalyq ınvestor bolyp tabylatynyn atap ótti. Ol EQDB komandasyna belsendi yntymaqtastyǵy úshin alǵys bildirdi, «Jasyl qala» ózekti baǵyty boıynsha Bankpen ózara is-qımyldy jalǵastyrýǵa daıyn ekenin rastady.
Kezdesý sońynda taraptar aldaǵy jumystyń basym baǵyttaryn jáne belsendi yntymaqtastyqtyń jańa kezeńine shyǵý joldaryn talqylady.