Álem boıynsha keń taralǵan súıekti aýystyrý tájirıbesi bizdiń elimizde de jolǵa qoıylǵan.
Túrkistanda ótken halyqaralyq ǵylymı konferensıada travmatologtar men ortoped mamandar ózara tájibıe almasyp, jetistikterin tanystyrdy. Eki kúnge josparlanǵan sharaǵa álemniń 15 elinen 250-ge jýyq bilikti dáriger qatysty, dep habarlaıdy Almaty-akshamy.kz.
Basqosýda Ulybrıtanıa, Reseı, Túrkıa, Germanıa men Qytaıdan kelgen travmatologtar sońǵy jetistigi men múmkindikterin tanystyrdy. Keı elderdiń ǵalymdary onlaın rejımde qatysyp, oı bólisti. Shara aıasynda kórme uıymdastyrylyp, ozyq medısınalyq tehnologıalar kópshilik nazaryna usynyldy.
«Qazaqstandyq áriptesterimizge travmatologıa jáne ortoped jańa tehnologıalardy alyp kelip, kórsetip, búkil dúnıe júzinde qandaı jańa tehnologıalar bolyp jatqanyn osy jerge kelip, estip ,engizip jatyrmyz. Onyń barlyǵynyń bizdiń naýqastarymyzǵa paıdasy bar», - dedi QR ulttyq ǵylymı travmatologıa jáne ortopedıa ortalyǵynyń dırektory Oljas Bekarysov.