1 qyrkúıekten bastap Almatyda alǵash ret bastaýysh synyp oqýshylary tegin tamaqpen qamtyldy.
«Atameken» Ulttyq kásipkerler palatasymen alǵashqy birlesken jıynda megapolıs basshysy Erbolat Dosaev mektep oqýshylarynyń tegin tamaqtandyrý máselesine qatysty pikir bildirdi, dep habarlaıdy Almaty-akshamy.kz
«Almatyda 1 qyrkúıekten bastap bastaýysh synyp oqýshylaryn tegin tamaqtandyrý engizildi. Balaǵa kúnine 560 teńge esepteledi. Alaıda, búgingi kúni bul soma jumys pen tamaq daıyndaýǵa ketetin shyǵyndy eseptemegende tek tamaqqa ǵana jetedi. Pandemıadan beri kásipkerler balalardy azyq-túlikpen qamtamasyz etý jónindegi mindettemelerin oryndaý úshin nesıe alyp jatyr. Aldyn ala tólem máselesin qarastyrýǵa bola ma?» - dep surady kásipkerler.
Ákim bul máseleniń ózektiligin atap ótti.
«1 qyrkúıekten bastap qalamyzda alǵash ret balalarymyz – bastaýysh synyp oqýshylaryn tegin tamaqtandyrýdy qolǵa aldyq. Men muny jarıalaǵan kezde, bıznesmender jumystyń kóp bolatynyn túsinýi kerek dep oıladym. Jaýapty qurylymdar búdjetti qalyptastyrýda naryqtyq baǵaǵa baǵyttalǵan. Biraq sizdiń suraǵyńyz durys tezıs bolyp kórinedi, óıtkeni bul baǵalaýlar sáýir aıynda júrgizilgen. Kelesi jyldyń búdjetin jasaqtaý kezinde aldyn ala tóleý máselesin zerttep, qarastyramyz», - dep jaýap berdi Erbolat Dosaev.