Almatydaǵy Naýryzbaı aýdanynyń 50 myńnan astam turǵyny ortalyq komýnıkasıalarmen qamtylatyn bolady
Almaty ákimi Erbolat Dosaev Naýryzbaı aýdanyna jumys sapary barysynda «Kargaly» súzgi stansıasynyń káriz kolektoryn salý boıynsha aýqymdy jobany iske asyrý barysymen tanysty, dep habarlaıdy aqshamnews.kz
Bul aýdanda sý burý máselesin túbegeıli sheshý úshin 2023 jyldyń sońynda «Kargaly» súzgi stansıasy salyndy. Bul stansıanyń tolyq jumys isteýi úshin káriz kolektorynyń qurylysy qajet.
«2019 jyly «Kargaly» súzgi stansıasyn jobalaý kezinde káriz kolektorynyń qurylysy eskerilmegen. Osy kemshilikterdi joıý jáne jumystyń durys rettiligin qamtamasyz etý úshin biz qazir magıstraldyq jelilerdi júrgizemiz, sodan keıin olardy bóletin bolamyz. Kolektordyń qurylysy aıaqtalǵannan keıin ol «Qarǵaly» súzgi stansıasyna qosylady, bul turǵyndardy turaqty sýmen jáne ortalyqtandyrylǵan kárizben qamtamasyz etedi», - dedi Erbolat Dosaev.
Kolektordyń jalpy uzyndyǵy 8,6 km. jumysty energetıka jáne sýmen jabdyqtaý basqarmasynyń jáne aýdan ákimdiginiń tapsyrysy boıynsha eki merdiger uıym - «NKO» jáne «Kólsaı Stroı» JSHS júrgizedi. Búgingi tańda jobanyń daıyndyǵy kolektordyń jalpy kóleminiń shamamen 70%-yn quraıdy. Qurylys-montaj jumystaryn osy jyldyń qarasha aıynyń sońyna deıin aıaqtaý josparlanýda.
Jobany iske asyrý Qaraǵaıly, Quramys, Qarǵaly jáne Taýsamaly shaǵyn aýdandarynyń 50 myńnan astam turǵyny úshin sý burýdy qamtamasyz etýge múmkindik beredi. Bul qarqyndy damyp kele jatqan aýdanda ekologıalyq qaýipsizdikke yqpal etedi, lastaný qaýpin azaıtady jáne halyqtyń sanıtarlyq jaǵdaıyn jaqsartady.
Qala basshysy Naýryzbaı aýdanynyń ákimi men energetıka jáne sýmen jabdyqtaý basqarmasynyń basshysyna jumystardyń oryndalý qarqynyn jedeldetýdi jáne kolektor qurylysynyń sapaly, ýaqtyly aıaqtalýyn qamtamasyz etýdi tapsyrdy.
Erbolat Dosaev káriz kolektorynyń qurylysyn aıaqtaý qalaǵa qosylǵan shaǵyn aýdandardyń turǵyndaryna ortalyq komýnıkasıalarǵa qosylýǵa jáne Naýryzbaı aýdanynyń ınfraqurylymynyń turaqty damýyn qamtamasyz etýge múmkindik beretinin atap ótti.
