Bul týraly Bas kólik prokýratýrasy málimdedi.
Bas kólik prokýratýrasy Eýropadan ákelingen balǵyn almalardy birneshe kún boıy kedendik rásimdeı almaǵan qazaqstandyq kásipkerlerdiń quqyǵyn qalpyna keltirdi, dep habarlaıdy aqshamnews.kz
"Kásipkerler Aýyl sharýashylyǵy mınıstrligi engizgen shekteýlerge baılanysty ýaqytsha saqtaý qoımalarynda jemisterdiń tonnalap bos jatqanyna shaǵymdandy. Prokýratýranyń taldaýymen Mınıstrliktiń 31 jeltoqsanǵa deıin alma ákelýge tyıym salatyn 2024 jylǵy 5 qazandaǵy buıryǵy tek 8 qazanda kúshine engeni anyqtaldy. Al, alma tıelgen 8 júk kóligi atalǵan kúnge deıin EAEO aýmaǵyna kelgen. Iaǵnı, kásipkerlerdiń bul taýarlaryna shekteý sharalary qoldanylmaıdy",- delingen habarlamada.
"Nátıjesinde, kásipkerler ýaqytsha saqtaý merzimi aıaqtalǵanǵa deıin óz ónimderin deklarasıalap, shyǵynnyń aldyn aldy", delingen Bas kólik prokýratýrasynyń habarlamasynda.