Almaty ákimi Erbolat Dosaev Hyundai Trans Almaty mamandandyrylǵan tehnıka shyǵaratyn zaýytqa baryp, kásiporynnyń aýqymdy modernızasıalanýymen tanysty, dep habarlaıdy aqshamnews.kz
Óndiristik úderistegi basty ózgeris 9 vana, 3 keptirý kamerasy, sondaı-aq kabınalardy boıaý jelisi ornatylǵan Qazaqstandaǵy alǵashqy kataforez-boıaý sehyn salý jáne paıdalanýǵa berý boldy. Sehtyń aýdany 1 296 sh.m., ónimdiligi – saǵatyna 1 shanaq.
Sondaı-aq, óndiristik prosesterge dánekerleý jáne boıaý boıynsha qosymsha tehnologıalyq operasıalar engizildi, ramalyq konstrýksıalardy shyǵarý úshin jelini montajdaý júrgizildi, bul dóńgelek bazasynyń ártúrli uzyndyǵy bar júk kólikteri men avtobýstardy jáne kez kelgen pishindegi jáne kúrdeliliktegi fýrgondardy shyǵarýǵa múmkindik beredi.
Búgingi tańda kásiporynda shyǵarylatyn tehnıkanyń assortımentine jolaýshylar avtobýstary, júk avtomobılderi, ónerkásiptik jáne ızotermıalyq fýrgondar, avtokrandar, manıpýlátor krandar, vakýatorlar, qoqys tasıtyn mashınalar, avtosısternalar, qar tazalaıtyn mashınalar, avtogıdrokótergishter jáne t. b. kiredi.
Almaty ákimi Erbolat Dosaev kásiporyndarynda qosylǵan quny joǵary ónimder shyǵarylatyn jáne joǵary bilikti jumys oryndary qurylatyn avtomobıl klasterin qalyptastyrý jónindegi jumystyń basymdyǵyn atap ótti. Mundaı jobalar qajetti memlekettik qoldaýǵa ıe bolady.
«Astana Motors» SEO Beknur Nesipbaev habarlaǵandaı, modernızasıalaýdyń arqasynda kásiporynnyń óndiristik alańdary úsh esege — 7 myń sharshy metrden 19,4 myń sharshy metrge deıin ulǵaıdy, kásiporyn shtaty 300-den 400 qyzmetkerge deıin keńeıdi, al zaýytty jańǵyrtýǵa ınvestısıalar kólemi 12,1 mlrd teńgeden asty. 2024 jyly kompanıanyń salyq aýdarymdary 2 mlrd teńgeden asty, aǵymdaǵy jyly shyǵarylatyn tehnıka jelisi taǵy eki model – Hyundai Mighty EX5 jáne Hyundai Porter shaǵyn tonnajdy júk kólikteriniń shaǵyn toraptyq óndirisin iske qosý esebinen keńeıýde.
Anyqtama: 2025 jyldyń qańtar-aqpan aılarynyń qorytyndysy boıynsha Almatyda 372,8 mlrd teńgege ónerkásip ónimi óndirildi, bul ótken jyldyń deńgeıimen salystyrǵanda 107% – dyquraıdy (QR boıynsha-105,9%). Óńdeý ónerkásibindegi naqty kólem ındeksi 108,3% - ǵa jetti (278,9 mlrd teńge, jalpy kólemniń 74,8%).
Avtomobıl óndirisinde 12,4% - ǵa (128,1 mlrd teńge, 45,9%) ósim tirkeldi, bul rette aqpan aıynda 3 651 avtomobıl shyǵaryldy, bul ótken jylmen salystyrǵanda 4,5% - ǵa artyq.
