Almatyda «Taza Qazaqstan» respýblıkalyq baǵdarlamasy jáne «Almaty – bizdiń ortaq úıimiz» qalalyq naýqany aıasynda plasıkalyq qaqpaqtardy jınaý boıynsha aksıanyń kezekti sıkli bastaldy, dep habarlaıdy aqshamnews.kz
Aksıaǵa ár túrli jastaǵy oqýshylar, sondaı-aq mektepke deıingi bilim berý mekemeleriniń tárbıelenýshileri qatysady. Jınalǵan qaqpaqtardy oqýshylar qala aýdandaryndaǵy kez kelgen komýnaldyq ortalyqtardan nemese Almaty qalasy, Markov kóshesi, 44 mekenjaıyndaǵy EcoNetwork Eko - habyna tapsyra alady.
Aksıanyń negizgi maqsaty-ekologıa jáne plasıkalyq qaldyqtardy qaıta óńdeý máselelerine nazar aýdarý, óskeleń urpaqtyń qorshaǵan ortanyń tazalyǵy men saqtalýy úshin jaýapkershiligin qalyptastyrý.
Aıta keteıik, 2024 jyldyń qarasha aıynda bul aksıa balalar men olardyń ata-analary arasynda keń taraǵan. Sodan keıin qalanyń 200-den astam mektepteri men balabaqshalarynyń oqýshylarynan 1,26 mıllıonnan astam plasıkalyq qaqpaq jınaldy.
