Almaty ákimi Erbolat Dosaev energetıka salasynyń mamandaryn kásibı mereke - Energetıka kúnimen quttyqtap, olarǵa qurmet marapattaryn tapsyrdy, dep habarlaıdy aqshamnews.kz
Qazaqstan Prezıdentiniń Jarlyǵymen energetıka salasyn damytýǵa qosqan zor úlesi úshin eńbek ardageri Nurahan Seıitqulov «Qurmet» ordenimen marapattaldy. Onyń kásibı joly «Alataý Jaryq Kompanıasy» AQ quramyna kiretin Jambyl aýdandyq elektr jelilerimen baılanysty. Nurahan Seıitqulov aýyldyq okrýgtiń sheberinen JAES-tiń birinshi basshysyna deıingi joldan ótti.
III dárejeli «Eńbek Dańqy» ordenimen jáne «Eren eńbegi úshin» medalimen «Almaty Qala Jaryq», «Almaty jylý jelileri», «Almatyjylýkommýnenergo» jáne «Almaty elektr stansıalary» kásiporyndarynyń qyzmetkerleri marapattaldy.
Qala basshysy energetıka salasynyń barlyq qyzmetkerlerine alǵysyn bildirip, olardyń Almaty ınfraqurylymyn damytýdaǵy jáne qala turǵyndarynyń ómir súrýine qolaıly jaǵdaı jasaýdaǵy basty rólin atap ótti.