Medeý aýdanynyń turǵyndarymen kezdesý barysynda Almaty ákimi Erbolat Dosaev taý bókterindegi qurylysty baqylaýdy kúsheıtý máselesine túsinikteme berdi.
Megapolıs basshysy Almatynyń qala qurylysyn baqylaý basqarmasynyń qoldanystaǵy normalar men erejelerdiń saqtalýyn baqylaý boıynsha belsendi jumys júrgizip jatqanyn atap ótti, dep habaralıdy Almaty-akshamy.kz.
"Taý bókterleriniń odan ári damýyn shekteý úshin Bas jospar men jańa ETJ aıasynda bul aımaqtar rekreasıalyq aımaqtarǵa jatqyzyldy. Sonymen qatar, 2022 jyldan bastap betkeıdiń tiktigi 15 gradýstan asatyn ýchaskelerde shaǵyn qabatty kóppáterli ǵımarattar salýǵa tyıym salynady", - dedi Erbolat Dosaev.
Ol sondaı - aq qala betkeılerdiń qosymsha geologıasyn júrgizip jatqanyn atap ótti, óıtkeni Almatynyń aınalasynda topyraqtyń negizgi túri-sazdy.
"Topyraqtyń osy túri bar jerde qurylys júrgizý múmkin emes, sondyqtan qalada osy másele boıynsha belsendi sharýashylyq jumys júrgizilýde. Keıbir ýchaskelerde biryńǵaı káriz jelileri joq, sondyqtan biz osy máselelermen aınalysamyz", - dep tolyqtyrdy sózin qala ákimi.