Medeý aýdanynyń turǵyndarymen kezdesýde Almaty ákimi Erbolat Dosaev taý bókterindegi kóshkinderdiń aldyn alý boı̆ynsha qabyldanyp jatqan sharalar týraly habarlady. Osy maqsatta Medeý aýdanynda 2024 jyly 82 ýchaske egjeı̆-tegjeı̆li zertteldi, dep habarlaıdy aqshamnews.kz
«Medeý aýdanynyń taý alaptary turǵyndarynyń qaýipsizdigin qamtamasyz etýge erekshe kóńil bólinedi. Ótken jyldyń qazan aı̆ynda qala rezervinen 1,5 mlrd teńge bólinip, 17 turaqsyz ýchaskeni nyǵaı̆tý bastaldy. Jumysty bıyl jazda aıaqtaý josparlanyp otyr», - dedi Erbolat Dosaev.
Budan bólek, 28 jer teliminiń ıelerine topyraqtyń shaı̆ylýyn boldyrmaý jáne sý burý qajettiligi boı̆ynsha sarapshylardyń usynymdary berildi. Taǵy 16 ýchaskede topyraqtyń buzylýyn, releftiń deformasıasyn jáne yqtımal kóshkinderdi boldyrmaý maqsatynda jumystar júrgizilýde. Oǵan qaýipti qurylystardy súrý, jer telimderin satyp alý jáne olardy bekitý sharalary kiredi.
Olımpıı̆skaıa kóshesinde, 2023 jyldyń aqpan aı̆ynda kóshkin júrgen jerde 1 500 sharshy metr taý bókteri tazartyldy, 900 tekshe metr gabıondy qurylym ornatyldy, 770 metr nóserli káriz naýalary salyndy, 780 sharshy metr trotýar tastary tóseldi, 2 700 sharshy metr aýmaqty qamtıtyn arqandy-torly júı̆e ornatý jumystary aıaqtaldy.
«Qazseldenqorǵaý» mamandarynyń málimetinshe, sońǵy jyldary taýly aı̆maqtarda kóshkin qaýpi artyp keledi. Bul jaǵdaı̆ kóbine talaptarǵa saı̆ kelmeı̆tin retsiz qurylystardyń saldarynan týyndap otyr. Kóptegen turǵyn úı̆ topyraqtyń shógýi yqtımal jerlerde salynǵan. Taý bókterleri oı̆ylyp, sý qubyrlary men káriz júı̆eleri durys josparlanbaı̆ ornalastyrylǵan. Keı̆bir jaǵdaı̆da aǵyndy sýlar germetıkalyq emes septıkterge jiberilip, jerge sińip, topyraqtyń turaqsyzdanýyna ákelip soqqan.
Osy máseleni júı̆eli túrde sheshý úshin 2022 jyldyń maýsym aı̆ynda Almaty ákimi Erbolat Dosaevtyń bastamasymen taý bókteriniń eńisi 15 gradýstan asatyn ýchaskelerde qurylys júrgizýge tyı̆ym salyndy. Bul talap 2023 jyldyń sońynda máslıhat bekitken Almaty qalasynyń jańa qurylys erejelerine engizildi.
Jańa qurylys erejeleri seı̆smoqaýipti aı̆maqtardaǵy jáne taý etegindegi «taý sóreleri» dep atalatyn ýchaskelerde qurylys júrgizý tártibin naqty retteı̆di. SHAAJ, ál-Farabı dańǵyly, Saın jáne Jandosov kósheleriniń ońtústiginde, kólbeýligi 15 gradýstan asatyn taý bókterlerinde qurylys júrgizýge qatań tyı̆ym salyndy.
Sonymen qatar, buryn qabyldanǵan sheshimder de bekitildi: ǵımarattardyń bıiktigi 12 metrden (3 qabattan) aspaýy tıis (qoǵamdyq-mádenı nysandardan basqa). Qaı̆ta jańartý kezinde terasalar men tehnıkalyq qabattardy turǵyn úı̆ge aı̆naldyrýǵa jol berilmeı̆di.
Osylaı̆sha, jańa qurylys erejeleri qaladaǵy qurylys kompanıalarynyń negizgi jumys sharttaryn túpkilikti bekitti jáne buryn rettelmegen jeke tulǵalardyń jaýapkershilik aı̆maǵyn naqtylady