Qazaqstan Respýblıkasynyń Bas prokýratýrasy iri mólsherde gashısh esirtki quraly men mefedron psıhotroptyq zatynyń kontrabandasy úshin qylmystyq jaýaptylyqqa tartý maqsatynda Tájikstan azamatyn Reseı Federasıasynan ekstradısıalady, dep habarlaıdy aqshamnews.kz.
Bas prokýratýranyń málimetinshe, 2022 jyldyń tamyz aıynda kúdikti Qostanaı oblysyndaǵy Qazaqstan Respýblıkasynyń memlekettik shekarasy arqyly tyıym salynǵan zattardy tasymaldamaq bolǵan kezde shekara qyzmetkerleri ustaǵan.
Kúdiktiniń jeke basyn eskere otyryp, tergeý organy oǵan qoǵamnan oqshaýlaýmen baılanysty emes bultartpaý sharasyn tańdaǵan.
Alaıda ol bul jaǵdaıdy paıdalanyp, belgilengen jaýaptylyqtan qutylý úshin tergeýden jasyrynyp, osyǵan baılanysty oǵan halyqaralyq izdeýge jarıalandy.
2024 jyldyń mamyr aıynda kúdikti Ekaterınbýrg qalasynda ustalyp, sodan keıin Qazaqstan Respýblıkasynyń Bas prokýratýrasynyń suraýy boıynsha Qazaqstanǵa ekstradısıalandy.
Qazirgi tańda kúdikti tergeý ızolátoryna qamaldy.
Aıyptalǵan qylmysty jasaǵany úshin múlkin tárkilep, jeti jyldan on eki jylǵa deıin bas bostandyǵynan aıyrý túrindegi jaza qarastyrylǵan.