Bul týraly Almaty ákimi Erbolat Dosaev Áýezov aýdanynyń turǵyndarymen kezdesý barysynda qalanyń keıbir bólikterindegi aıaldama keshenderiniń jaı-kúıi týraly suraqqa jaýap berdi, dep habarlaıdy aqshamnews.kz
«Eki jyl ishinde biz qaladaǵy barlyq aıaldama keshenderin josparly túrde aýystyratyn bolamyz. Olar avtobýstardyń marshrýttary men qozǵalysy týraly aqparattyq taqtalarmen jabdyqtalady. Jolaýshylar aǵynyna baılanysty keshender mólsheri boıynsha ár túrli bolady. Tıisti baǵdarlama ázirlenip, qarajat qarastyrylyp, kúzde iske asyrýdy bastaýdy josparlap otyrmyz», - dep atap ótti Erbolat Dosaev.
Búgingi tańda qalada pavılondary bar 1900 aıaldama bar, onyń 795-i ınvestorlardyń qarajaty esebinen ornatylyp, jarnamalyq konstrýksıalarmen jabdyqtalǵan. Qalǵandary búdjet esebinen ornatylyp, modýldik metal jaqtaý túrinde oryndaldy.
«Aldaǵy eki jylda biz bul saralaýdy nıvelırleýge tyrysamyz jáne eger ınvestorlar qalanyń belgili bir bólikterindegi aıaldama keshenderine qyzmet kórsetýge qyzyǵýshylyq tanytpasa, biz muny ózimiz jasaımyz, onda áleýmettik jarnama ornalastyramyz», - dedi Almaty ákimi.