Bul jumys 2023 jyldyń sáýirinde bastalady.
Keler jyldyń kókteminde Almatynyń Alataý aýdanynda sý qubyrlary men káriz jelileri salynady. Bul týraly shahar basshysy Erbolat Dosaev Alataý aýdanynyń turǵyndarymen kezdesý barysynda aıtty, dep habarlaıdy Almaty-akshamy.kz.
Aýdan turǵyndary ózderin tolǵandyratyn ózekti máseleni kóterdi.
«Men "Boraldaı" shaǵynaýdanynda turamyn. Buryn İle aýdany bolǵan. 2011 jyly qalaǵa kirdik. Bizge sý 39 mektep-gımnazıasynan keledi. Mektepten kishkentaı qubyrmen sý tartylǵan. Endi osy jáne káriz máselesi qashan sheshiledi?» - dep surady kezdesýge kelgen qala turǵyny.
Almaty ákimi bul másele keler jyly sheshimin taba bastaıtynyn aıtty.
"Boraldaı" shaǵynaýdanynda bıyl magıstraldy júıeniń qurylysy júrip jatyr. Osy qurylys aıaqtalǵan soń, ishke kiretin jelilerdi endigi kóktemde, sáýir aıynda, bastaımyz. Sý qarqyny boıynsha, sizder sýdy mektepten alatyn bolǵandyqtan, onyń qarqyny tómen. Raspredset kelgennen keıin sizderdi sonda qosyp, mektep sýynan ajyratamyz. Bul jumys kelesi jyly sáýirde bastalady»,- dedi qala ákimi.