Bul týraly Almaty ákimi Erbolat Dosaevtyń Alataý aýdany turǵyndarymen ótken kezdesýinde belgili boldy.
Ákimmen ótken kezdesýde aýdan turǵyndary ózderin tolǵandyrǵan máselelerin aıta keldi, dep habarlaıdy Almaty-akshamy.kz.
«Sizderden 57, 33, 25 avtobýstarynyń jolyn taǵy 2 aıaldamaǵa uzartýdy suraımyz», - dedi aýdan turǵyny.
«Bizde 9-12 metrlik avtobýstar bolǵandyqtan, olardyń jolyn sozýǵa múmkindik joq. Sebebi kósheler tar, qoǵamdyq kólik kirip shyǵa almaıdy. Qazir bul jaqqa shaǵyn avtobýstardy júrgizý máselesi qaralyp jatyr. Al aýdan belsendileriniń ózderi tańdaǵan aýmaqta aınalama jol salynady. Qurylysty bıyl bastaımyz. Aınalma jol salynyp bolǵan soń, sizderge 700-800 metrdeı jaqyndyqta 2 marshrýt kiredi», - dedi Almaty ákimi Erbolat Dosaev.