Qosymsha nysan salynǵannan keıin Túrksib aýdanyndaǵy №195 mektepti bir aýysymdyq oqytý rejımine aýystyrýǵa bolady
Almaty ákimi Erbolat Dosaev jumys sapary barysynda Túrksib aýdanyndaǵy Álmerek sh/a №195 mektep janyndaǵy qosymsha qurylystyń jumys barysymen tanysty, dep habarlaıdy aqshamnews.kz
Shamamen on jyl buryn salynǵan bilim berý mekemesinde jobalyq qýaty 300 oryndyq, qazir munda 800-den astam oqýshy oqıdy. Qala basshysynyń tapsyrmasy boıynsha oqýshylardyń tyǵyzdyǵyn tómendetý úshin 450 oryndyq qosymsha qurylys salynýda.
Mektep hımıa, bıologıa, fızıka jáne ınformatıkanyń jańa kabınetterimen jabdyqtalady. Barlyq pándik kabınetterde ınteraktıvti panelder ornatylady. Joba sonymen qatar abattandyrý men kógaldandyrýdy da qamtıdy.
Qurylys alańyna barǵan kezde Erbolat Dosaev barlyq jumystardy 2025 jyldyń qańtarynda joǵary sapaly qurylys materıaldaryn, jaıly mektep jıhazdaryn paıdalana otyryp, jańa oqý toqsanynyń basynda aıaqtaýdy tapsyrdy.
Sondaı-aq, megapolıs ákimi oqý ornyn dabyl men beınebaqylaýdy qosa alǵanda, barlyq qajetti qaýipsizdik júıelerimen jabdyqtaýdy tapsyrdy.
«Barlyq qurylys jáne montaj jumystary aıaqtalǵannan keıin bizde mekteptiń bir aýysymdy oqytý rejımine kóshýin qarastyrý múmkindigi paıda bolady. Bul ata - analar jáne balalar úshin de yńǵaıly bolady, óıtkeni qosymsha sabaqtarǵa kóbirek ýaqyt bólinedi», - dedi Erbolat Dosaev.
Qurylysty aralaý barysynda ákimge 10 jyl buryn salynǵan mekteptiń negizgi, qoldanystaǵy korpýsy eleýli buzýshylyqtarmen salynǵany baıandaldy. Ǵımarat jertólesiz, taspaly irgetasta turǵyzyldy, bul keıbir synyptardaǵy edenderdiń tómendeýine sebep boldy.
Máseleni sheshý úshin Erbolat Dosaev tehnıkalyq saraptama júrgizýdi tapsyrdy, sodan keıin barlyq kemshilikter joıylady.
Jalpy Almatyda mektepterdiń bir aýysymdy oqytýǵa birtindep kóshýi jalǵasýda. Kelesi oqý jylyna 200-den astam memlekettik mektepterdiń 43-i bir aýysymdyq oqýǵa aýysady ( ósim 12,5% - dan 18,4% - ǵa deıin).