Qazaqstan Ulttyq banki zertteý júrgizýshilerge grant usyný úshin baıqaý jarıalady, dep habarlaıdy aqshamnews.kz.
Ulttyq bank zertteý júrgizýshilerge grant usyný úshin izdenýshiler arasynda konkýrstyq irikteý ótetinin málimdedi. İzdenýshiler arasyndaǵy konkýrstyq irikteý taqyryby: «Moneta-aqsha aınalymyn yntalandyrý. Tıimdi tájirıbeler men tabysty strategıalar».
Konkýrstyq irikteýge:
- joǵary jáne joǵary oqý ornynan keıingi bilim berý baǵdarlamalaryn iske asyrýǵa, zertteý isine, ǵylymı qyzmetke nemese saýalnamalar júrgizý, derekterdi ıntegrasıalaý arqyly derekter jınaý, saqtaý jáne (nemese) óńdeý qyzmetine baılanysty maqsatqa, mindetter men fýnksıalarǵa sáıkes qyzmetti júzege asyratyn;
- bankrotqa ushyramaǵan nemese taratylý prosesinde turmaǵan zańdy tulǵalar qatysa alady.
Qazaqstan Ulttyq banki ótinimderdi qarap bolǵan soń zertteý taqyrybyna saı birneshe grant berýge nemese múldem bólmeýge quqyly. Konkýrstyq qujattamada habarlandyrýdyń tolyq mátini, onyń ishinde zertteý taqyryby, zertteý jumystaryna qoıylatyn talaptar, izdenýshilerdi irikteý sharttary, Ulttyq banktegi jaýapty tulǵalardyń baılanys derekteri berilgen.
Ótinim qabyldaý bastalatyn kún – 2024 jylǵy 27 qarasha. Ótinim usynýdyń sońǵy merzimi – 2025 jylǵy 10 qańtar.