Óńir «sary» aımaqqa enetin bolsa, naqty birneshe usynymdar beriledi.
QR Premer-Mınıstriniń orynbasary Eraly Toǵjanov eldegi epıdemıologıalyq ahýal týraly aıtyp berdi, dep habarlaıdy Almaty-akshamy.kz QazAqparatqa silteme jasap.
«Vedomstvoaralyq komısıanyń arnaıy otyrysynda osy suraqtardyń bárin qaradyq. Nege deseńiz, qazir dúnıe júzinde 130-dan asa memlekette koronavırýstyń ósýi baıqalýda. Ony ózderińiz de kórip otyrsyzdar. Onyń ishinde koronavırýs 100 paıyz, tipti 235 paıyz artqan elder de bar. Sondyqtan biz onyń bárin eskerýge mindettimiz. Qazaqstan bólek jatqan el emes, qalǵan eldermen qarym-qatynastamyz. Sondyqtan eldi saqtaýymyz kerek», - dedi Eraly Toǵjanov Úkimet kýlýarynda tilshilerge bergen suhbatynda.
Onyń aıtýynsha, óńir «sary» aımaqqa enetin bolsa, naqty birneshe usynymdar beriledi. Onyń ishinde eń aldymen maska taǵý talaby da bar.
«Qazaqstandaǵy sońǵy bir aıdaǵy ósýdiń ózi osyndaı sharalardy qabyldaýǵa bizdi májbúrlep otyr dep aıtsam artyq emes. Qazir tek Almaty qalasy ǵana «sary» aımaqqa ótti, qalǵan óńirlerdiń bári «jasyl» aımaqta. Sondyqtan sharalardy aldyn ala qabyldap jatyrmyz.
«Qyzyl» aımaqqa ótsek, ondaǵy talaptardy da óte jaqsy bilesizder. Ásirese, úlken iri sharalardy ótkizýge shekteý sharalaryn jaqsy bilesizder, ony paıdalanýǵa mindettimiz. Al oǵan deıin ózimiz de maskada turmyz, bul aýrýdyń aldyn alý úshin halyqqa berilgen usynym, bul usynymdy halyq durys qabyldaıdy dep oılaımyz», - dedi Eraly Toǵjanov.