Toǵjanov elorda ataýyn ózgertýge qatysty túsinikteme berdi.
Vıse-premer elordanyń atyn aýystyrýǵa negiz joq deıdi, dep habarlaıdy Almaty-akshamy.kz
Eraly Toǵjanov Nur-Sultan qalasynyń ataýyn qaıtadan Astana dep ataýǵa qatysty pikir bildirdi.
«Ázirge men bul úshin eshqandaı negiz kórip turǵan joqpyn. Taǵy qaıtalap aıtamyn, ázirge eshqandaı negiz joq», - dep qysqa qaıyrdy vıse-premer.
Sondaı-aq ol Astana kúnin basqa dataǵa aýystyrýǵa qatysty da túsinikteme berdi. Aıta keteri, qazir qala kúni Tuńǵysh Prezıdent Nursultan Nazarbaevtyń týǵan kúnimen tuspa-tus keledi.
«Másele kóterilgen joq. Jyl saıyn Nur-Sultan qalasynyń týǵanyn kúnin qalaı toılasaq, solaı atap ótemiz. Sizder bilesizder, bizde kóptegen is-shara josparlanǵan. Olar 1 shildeden bastap josparly túrde ótedi. Barlyq sharalar Astana kúni aıasynda 1-8 shilde aralyǵynda ótkiziledi. Biz bir adamnyń týǵan kúnin emes, Astana kúnin merekeleımiz», - dedi Úkimet basshysynyń orynbasary.